မေး၊ အခုပြန်ခဲ့တဲ့ မြန်မာနိုင်ငံ ခရီးစဉ်မှာ ဘာတွေ လုပ်ဆောင်နိုင်ခဲ့ပါသလဲ ခင်ဗျား၊
ဂမ်ဘာရီ၊ ကျနော့် ခရီးစဉ်မှာ ဦးတည်ချက် ၃ ခု ရှိခဲ့ပါတယ်၊ မြန်မာနိုင်ငံမှာ ဆန္ဒပြမှုတွေကို နှိပ်ကွပ်အပြီး ဘာတွေ ဖြစ်နေသလဲ ဆိုတာ သိရဘို့ရယ်၊ ဒုတိယ အချက်ကတော့ ဆန္ဒပြသူတွေ အပေါ်မှာ အင်အားသုံးပြီး ရက်ရက်စက်စက် ဖိနှိပ်နေမှုကို ရပ်တန်းကရပ်ဖို့ မြန်မာ စစ်ခေါင်းဆောင်တွေကို သတိပေး ပြောကြားဖို့ရယ်၊ ဖမ်းဆီး ထိမ်းသိမ်းထားတဲ့ ဒေါ်အောင်ဆန်းစုကြည် အပါအဝင် အတိုက်အခံ ခေါင်းဆောင်တွေကို လွှတ်ပေးဘို့ရယ် နောက်ဆုံး စစ်အစိုးရနဲ့ အတိုက်အခံများ အကြား တွေ့ဆုံ တွေးနွေးရေး စတင်နိုင်ဘို့ ဆိုတဲ့ အချက်တွေပါပဲ။
ကျနော်အဖို့ ပြည့်ပြည့်စုံစုံ သိနိုင်ဘို့ ပြောကြားပေးနိုင်မဲ့ လူတွေ အကုန်လုံးနဲ့ တွေ့ခွင့်မရခဲ့ပါဘူး၊ ဥပမာ အင်အယ်ဒီ က ပုဂ္ဂိုလ်တွေရယ်၊ ဘုန်းတော်ကြီးတွေရယ်နဲ့ တွေ့ခွင့် မရခဲ့ပါဘူး၊ ဒါပေမဲ့ သူတို့တတွေ ပြောကြားချင်တာတွေကို ကျနော့်ဆီ ရောက်အောင် ဆက်သွယ် လာနိုင်ခဲ့ကြပါတယ်၊ နောက် ကုလသမဂ္ဂ ဌာနေ ကိုယ်စားလှယ်ထံမှလည်း ဖြစ်ပျက်နေတာတွေကို အသေးစိတ် အစီရင်ခံခဲ့ပါတယ်၊ ဒါကြောင့် မြန်မာနိုင်ငံမှာ လတ်တလော ဖြစ်နေတာတွေကို လုံလုံ လောက်လောက် သိရှိခဲ့တယ်လို့ ဆိုနိုင်ပါတယ်။
ကျနော် တွေ့ရှိချက်တွေကို အတွင်းရေးမှူးချုပ်၊ နောက်လုံခြုံရေး ကောင်စီတို့ကို အစီရင်ခံခဲ့ပါတယ်၊ ကျနော်သွားတယ်၊ တွေ့ခဲ့ မြင်ခဲ့ရတယ်၊ ဒါတွေကို ပြန်အစီရင်ခံခဲ့ပါပြီ။
မေး။ စစ်အစိုးရက အတိုက်အခံတို့အပေါ်မှာ ဘယ်လို မြင်ပါသလဲ၊
ဂမ်ဘာရီ။ စစ်အစိုးရကတော့ ခေါင်းမာတယ်ဗျာ၊ သူတို့က အထီးကျန် ဖြစ်နေတာလဲ ကြာပြီ မဟုတ်လား၊ သူတို့ အလေးထားတာ တခုကတော့ ငြိမ်ဝပ်ပိပြားရေးပဲ၊ ကျနော်ဟာ သူတို့ မကြားချင်တာတွေကို လာပြောတော့မယ် ဆိုတာလည်း သူတို့ သိတာပဲ၊ ဒါပေမဲ့သူတို့ ကျနော်ကို ဂရုတစိုက် လေးလေးစားစား ဆက်ဆံခဲ့ကြပါတယ်။ စစ်ဗိုလ်ချုပ်တွေနဲ့ ကျနော် ကျယ်ကျယ်ပြန့်ပြန့်ကြီး ဆွေးနွေးခဲ့ရပါတယ်။ အတွင်းရေးမှူးချုပ်မှာ လိုက်တာတွေကိုလည်း ကျနော် ပြောပြခဲ့ပါတယ်၊ ဒီအခက်အခဲတွေ ကြားက လွတ်မြောက်ဘို့ နည်းလမ်းတွေ ပြောတော့လည်း သူတို့ မငြင်းပယ်ပါဘူး။ ကျနော် နိုဝင်ဘာလ ပြန်လာမယ် ဆိုတာကိုလည်း သူတို့ လက်ခံပါတယ်။ ကျနော် တတ်နိုင်သမျှ အမြန်ဆုံး မြန်မာနိုင်ငံကို ပြန်သွားမှာပါ၊
ဒေါ်အောင်ဆန်း စုကြည်ကတော့ အရင်တခေါက် ကျနော် တွေ့တုံးကနဲ့ စာရင်ပိုပြီး ကျန်းကျန်းမာမာ ရှိပါတယ်။ သူမ အနေနဲ့ကတော့ တွေ့ဆုံ ဆွေးနွေးရေးကို အချိန်အတိအကျ သတ်မှတ်ချက်နဲ့ လေးလေးနက်နက် လုပ်ချင်ပုံ ရပါတယ်၊ သူ့ဘက်က ရည်ရွယ်ချက် ကောင်းထားတာကို ပြသတဲ့ အနေနဲ့ ကြားထဲမှာ ဆက်သွယ်ရေး အရာရှိ တယောက်ထားရင် ကောင်းမယ်လို့ အကြံ ပြုခဲ့ပါတယ်၊ အရင်ကနဲ့စာရင် တွေ့ဆုံ ဆွေးနွေးဘို့ကို အရင်ကနဲ့စာရင် အခုပိုပြီး ဆန္ဒရှိပုံ ရပါတယ်။
မေး။ နိုဝင်ဘာလပြန်သွားရင် ဘာလုပ်နိုင်မယ်လို့မျှော်လင့်ပါသလဲ၊
ဂမ်ဘာရီ၊ ကျနော့် ပထမအခေါက်တုံးက လုပ်ဆောင်နိုင်ခဲ့တာတွေကို ပိုပြီး သေချာအောင် ဆောင်ရွက်ရပါမယ်၊ ကျနော် ရည်ရွယ်ချက်ကတော့ ဒီတွေ့ဆုံ ဆွေးနွေးရေးကိစ္စ အမြန်ဆုံး အကောင်အထည် ပေါ်စေချင်တာပါပဲ၊ ကျနော် ရောက်မသွားခင် စဖြစ်တယ် ဆိုရင်လည်း ဘယ်လောက် ခရီးရောက်တယ်ဆိုတာ ကျနော် ဆန်းစစ်ကြည့်ချင်ပါတယ်၊ ဘယ်နှစ်ကြိမ်ပဲ သွားဘို့လိုလို မြန်မာပြည်ကို ကျနော်သွားပါမယ်၊ ဒါက သူတို့အပေါ်မှာတော့ မူတည်တာပေါ့ဗျာ၊ ကျနော် ၆၃ နှစ် ပဲ ရှိပါသေးတယ်၊ ကျနော် ခရီးသွားနိုင်ပါသေးတယ်၊
မေး၊ ခင်ဗျားဟာ နှစ်ဘက်စလုံးနဲ့ အဆင်ပြေပြေ ဆက်ဆံနိုင်တယ်လို့ ဆိုကြပါတယ်၊ ခင်ဗျားရဲ့ လျှို့ဝှက်ချက်တွေက ဘာတွေပါလဲ။
ဂမ်ဘာရီ၊ ကျနော့်အရင်က ဆောင်ရွက်ချက်တွေနဲ့ ပွင့်ပွင့်လင်းလင်း ပြောတတ်တဲ့ ကျနော့် အကျင့်က အရေးကြီးတယ် ထင်ပါတယ်။ သူတယောက်နဲ့ သဘောမတူရင်တောင် သူပြောတာ ကို နားထောင်ပြီး သူဘာဖြစ်ချင်တယ် ဆိုတာကို မြင်အောင် ကြည့်တတ် ကြရပါလိမ့်မယ်၊ ပြီးတော့ မြန်မာပြည်ရဲ့ ပြဿနာတွေဟာ မြန်မာတွေ ကိုယ်တိုင် ဖြေရှင်းကြရမှာပါ၊ အပြင်လူတွေ အနေနဲ့ကတော့ တချို့ကိစ္စတွေမှာသာ ကူညီပေးနိုင်ပါလိမ့်မယ်။ ဒါ့ကြောင့် ဒါဟာ ခင်ဗျားတို့ နိုင်ငံပါ၊ ခင်ဗျားတို့ ကျနော့်ကို အကူအညီ ပေးစေချင်ရင် ကျနော် ကူညီမှာပါ၊ ကျနော့် အကူအညီ မလိုဘူးဆိုရင်လည်း ကျနော့်မှာ တခြား လုပ်စရာတွေ အများကြီးပါ၊ ဆိုတော့ ဒါကို သူတို့ လက်ခံပါတယ်၊ ခင်ဗျား ဆက်နေပါ၊ အဖြေတခုခု ထွက်အောင် ဆောင်ရွက်ပေးပါ လို့ သူတို့  ကျနော့်ကို ပြောကြပါတယ်၊
မေး၊ အမျိုးသား ပြန်လည် ရင်ကြားစေ့ရေးဆိုတာ ဘာကို ဆိုလိုပါသလဲ။ ဒေါ်အောင်ဆန်းစုကြည် နဲ့ စစ်တပ်အကြား စေ့စပ်ရေး ပဲလား၊ တိုင်းရင်းသားတွေကော မပါဘူးလား၊
ဂမ်ဘာရီ၊ ဒီနိုင်ငံမှာ အုပ်ချုပ်သူနဲ့ အတိုက်အခံ ဆိုပြီးကွဲနေပါတယ်၊ တိုင်းပြည် အကျိုးအတွက် ဒီအုပ်စုတွေကို ညီညွတ်အောင် ဘယ်လိုလုပ် စည်းရုံးကြမလဲ၊ ဒါဟာ ပြဿနာရဲ့ တစိတ်တပိုင်းပါ၊ ဒုတိယတခုကတော့ မြန်မာ စစ်တပ်ဟာ တိုင်းရင်းသား လူမျိုးစုတွေနဲ့ တိုက်ခိုက် နေကြတာဟာ ဆယ်စုနှစ်ချီ ကြာနေပါပြီ၊ လူမျိုးစု တပ်ဖွဲ့ပေါင်း ၁၈ ဖွဲ့ လောက် ရှိပါတယ်၊ အစိုးရ အနေနဲ့က တဖွဲ့နဲ့က လွဲလို့ အားလုံးနဲ့ အပစ်အခပ် ရပ်စဲဘို့ သဘောတူညီမှု ရပြီးကြပါပြီ၊ ဒါပေမဲ့ ဒီ သဘောတူညီမှုတွေကို အဖြေလို့ ပြောလို့ မရသေးပါဘူး၊ ဘာလို့လဲ ဆိုတော့ ဒီအဖွဲ့တွေကို လက်နက် ကိုင်ဆောင်ခွင့်တွေ ပေးထားရလို့ပါပဲ၊ ဒါကြောင့် စေ့စပ် ညှိနှိုင်းနေကြတာတွေဟာ လက်နက်ကိုင် အဖွဲ့အစည်းဟာ တခုတည်း ဖြစ်သည်အထိ ဆောင်ရွက်နိုင်ဘို့ လိုပါတယ်၊ လူတိုင်း အဖွဲ့တိုင်း လက်နက်ကိုင်နေကြလို့ မဖြစ်ဘူးလေ။
ဒါကြောင့် စေ့စပ် ဆွေးနွေးမှုဟာ အဓိက အစိုးရနဲ့ အတိုက်အခံ ဒေါ်အောင်ဆန်း စုကြည်နဲ့ စရပါလိမ့်မယ်၊ တချိန်မှာတော့ သုံးပွင့်ဆိုင် ဆွေးနွေးဘို့ လိုတဲ့အဆင့်ကို ရောက်လာမှာပါ၊ အစီအစဉ်ထဲမှာ ပါပါတယ်။ ပထမတော့ အရေးကြီးဆုံး ဘက်နှစ် ဘက်နဲ့ စရတဲ့ သဘောပါပဲ၊
အခုဟာက အချင်းချင်း ပြန်လည် ပေါင်းစည်းရေးဆိုတာ ဖြစ်ပါ့မလား မဟုတ်တော့ပါဘူး၊ ဘယ်တော့မှာ ဘယ်လိုဖြစ်မလဲ ဆိုတာကို စောင့်ကြည့်ဘို့ပဲ လိုပါတော့တယ်။
မေး၊ ခင်ဗျားရဲ့ လုပ်ငန်းစဉ် အောင်မြင်တယ် မအောင်မြင်ဘူး ဆိုတာကို ဘယ်လို တိုင်းတာနိုင်မလဲ၊ အချိန်အတိအကျကော သတ်မှတ်လို့ ရမလား။
ဂမ်ဘာရီ၊ ကျနော် ယုံကြည်တာကတော့ အခုအချိန်ဟာ အချိန်ကန့်သတ်ချက်တွေ ပါဝင်လာရတော့မဲ့ အချိန်ပါ၊ ကျနော် မြန်မာပြည်ကို နောက်တခေါက် သွားချိန်မှာ ဒေါ်အောင်ဆန်း စုကြည်နဲ့ အစိုးရတို့အကြား စေ့စပ် ဆွေးနွေးပွဲတွေ စနေလောက်ပြီလို့ ကျနော် မျှော်လင့်ပါ တယ်။ ဒေါ်အောင်ဆန်းစုကြည် မျှော်လင့်သလို အဲဒီ ဆွေးနွေးပွဲဟာ လေးလေးနက်နက် ရှိပြီး အချိန် ကန့်သတ်ချက်တွေ လည်း ပါပါလိမ့်မယ်လို့ ကျနော် မျှော်လင့်ပါတယ်၊ အဓိက မျှော်မှန်းထားတာကတော့ ဖွဲ့စည်းအုပ်ချုပ်ပုံ မူကြမ်းနဲ့ ပါတ်သက်လို့ ဆွေးနွေးစရာတွေ၊ အစိုးရ အနေနဲ့ ပြည်တွင်းမှာ စီးပွားရေး၊ လူမှုရေး ပြဿနာ တက်နေတာတွေကို ဖြေရှင်းပေးရေး နဲ့ တတိုင်းပြည်လုံး ပါဝင်တဲ့ အမျိုးသား ပြန်လည် ရင်ကြားစေ့ရေးတွေ ဖြစ်ပေါ်လာနိုင်ဘို့ပါပဲ။
ဒါတွေ ခရီးရောက်မရောက် ဘယ်လို တိုင်းတာကြမလဲ၊ စေ့စပ် ဆွေးနွေးပွဲ ဖြစ်လာ မလာ၊ အကြမ်းဖက်မှုတွေ ရပ်ဆိုင်း သွားမသွား၊ နိုင်ငံရေး အကျဉ်းသားတွေ လွှတ်ပေးမပေး၊ အားလုံးက လက်ခံနိုင်တဲ့ ဖွဲ့စည်းပုံအသစ် ထွက်ပေါ်လာပြီလား၊ ဒါတွေကို စောင့်ကြည့်ပြီး အောင်မြင်မှု ရှိမရှိကို တိုင်းတာ နိုင်ကြပါလိမ့်မယ် ။
မေး၊ ခင်ဗျားရဲ့ လုပ်ငန်း အောင်မြင်ဘို့ ASEAN အပါအဝင် တရုတ်၊ အိန္ဒိယ စတဲ့အိမ်နီးချင်း နိုင်ငံတွေက ဘယ်လို အကူအညီတွေ ပေးဘို့ လိုအပ်ပါသလဲ၊
ဂမ်ဘာရီ၊ ASEAN ဥက� ဌအနေနဲ့ စင်္ကာပူ နိုင်ငံခြားရေး ဝန်ကြီး ထုတ်ပြန်တဲ့ ကြေညာချက်မှာ ကျနော့်ရဲ့ မြန်မာခရီးစဉ်ကို ထောက်ခံထားတဲ့ အတွက် ကျနော် အများကြီး ဝမ်းသာပါတယ်၊ ကျနော်ဟာ စင်္ကာပူ အပါအဝင်၊ မလေးရှား၊ အင်ဒိုနီးရှား၊ ထိုင်းနိုင်ငံတွေကို ရောက်ပြီးပါပြီ၊ ဒီတပါတ်အကုန်မှာ ကျနော် ခရီးထွက်ရဦးမှာပါ၊ ဒီတခါ ထိုင်း၊ မလေးရှားနဲ့ နောက်ပိုင်း တရု တ်၊ ဂျပန်နဲ့ အိန္ဒိယ နိုင်ငံတွေကို သွားဘို့ ရှိပါတယ်၊ ကျနော် ယုံကြည်တာကတော့ အဲဒီ နိုင်ငံအသီးသီးဟာ ကျနော့် လုပ်ငန်း အောင်မြင်အောင် အလွန် အရေးကြီးတဲ့နေရာတွေက အကူအညီ ပေးနိုင်ကြပါလိမ့်မယ်၊
ဘာဘဲဖြစ်ဖြစ် လုံခြုံရေး ကောင်စီ ဥက� ဌကြီးက ဒီနေ့ပဲ ကျနော့် လုပ်ငန်းစဉ်နဲ့ပါတ်သက်လို့ လေးနက်စွာ ထောက်ခံ အားပေးတဲ့ အကြောင်း ပထမဦးဆုံး အနေနဲ့ ကြေညာချက် တခုကို ဖတ်ကြားသွားခဲ့ပါတယ်၊ ဒီကြေညာချက်ဟာ အလွန် အရေးကြီးပါတယ်၊ ဒါဟာ လုံခြုံရေး ကောင်စီက အရေးယူလိုက်တဲ့ ပထမဆုံးသော ဆုံးဖြတ်ချက် ဖြစ်ပါတယ်၊ ဇန္နဝါရီလတုံးက ကုလသမဂ္ဂ ဆုံးဖြတ်ချက် ရှိခဲ့ဘူးသော်လည်း ဗီတိုအာဏာနဲ့ ပယ်ချခြင်း ခံခဲ့ရပါတယ်၊ အခု အကြိမ်ဟာ ပထမဆုံးအကြိမ် တညီတညွတ်တည်း ဆုံးဖြတ်ချက် ချခဲ့နိုင်တာပါပဲ၊
မေး၊ လက်နက် ရောင်းချခြင်း ပိတ်ဆို့ခြင်းနဲ့ တခြားသော ပိတ်ဆို့မှုတွေဟာ ခင်ဗျားရဲ့ မစ်ရှင်ကို အထောက်အကူ ပြုနိုင်ပါသလား၊
ဂမ်ဘာရီ၊ ဒါတွေကတော့ အဖွဲ့ဝင်နိုင်ငံတွေက ဆုံးဖြတ်ရမှာပါ၊ ဘာသေချာလဲ ဆိုတော့ ကျနော် ရည်ရွယ်ချက် အောင်မြင်ဘို့ လုံခြုံရေး ကောင်စီက တညီတညွတ်တည်း ဆုံးဖြတ် လိုက်တယ် ဆိုတာပါဘဲ၊ ဒီလောက်ပဲ ကျနော် ကျေနပ်ပါတယ်၊ ကောင်စီက ချမှတ်လိုက်တာ တခုဟာ မြန်မာအစိုးရအပေါ် အလေးအနက် တာသွားပါတယ်၊ ကျနော်တို့ လိုအပ်တဲ့ ထောက်ပံ့မှုဟာ ဒါပါပဲ၊
မေး၊ တချို့က အစိုးရ တခုလုံး ပြောင်းလဲပစ်ရမယ်လို့ ပြောတယ်၊ တချို့ကတော့လဲ ဘာပဲဖြစ်ဖြစ် စစ်တပ်ဟာ နောက်ဖွဲ့မဲ့ အစိုးရမှာ ပါရမယ်လို့ ပြောပါတယ်၊ ခင်ဗျားအမြင်က ဘယ်လိုပါလဲ၊
ဂမ်ဘာရီ၊ ကုလသမဂ္ဂ ဟာ အစိုးရ အပြောင်းအလဲ အလုပ်ကို လိုက်လုပ်နေတာ မဟုတ်ပါ၊ အစိုးရတွေ အပြုအမူတွေ ပြောင်းအောင်သာ လုပ်နေရခြင်းပါ၊ စစ်တပ်ဟာ အဖြေထုတ်ပေးဘို့ အရေးပါတဲ့နေရာမှာ ပါဝင်ပါသလား၊ အားလုံးပါဝင်တဲ့ အမျိုးသား ရင်ကြားစေ့ရေး ကိစ္စမှာ စစ်တပ်ဟာ အရေးကြီးပါတယ်၊ ဒါပေမဲ့ ဘယ်လိုဘယ်ပုံ ပါရမယ် ဆိုတာကိုတော့ မြန်မာတွေ ကိုယ်တိုင်က ဆုံးဖြတ်ကြရမှာ ဖြစ်ပါတယ်၊
မေး၊ ဒီလို အမျိုးသား ရင်ကြားစေ့ရေး ဆိုတာ ဖြစ်မလာဘူးဆိုရင် ခင်ဗျား ဘာကို အစိုးရိမ်ဆုံးပါလဲ၊ မြန်မာနိုင်ငံမှာ အီရတ်လို။ ယူဂိုဆလပ်ဗီးယားတို့လို မင်းမဲ့စရိုက်ဆန်ဆန် အရှုတ်အထွေးတွေ ဖြစ်နိုင်ပါသလား။
ဂမ်ဘာရီ၊ မြန်မာပြည်လို သယံဇာတတွေ ပေါကြွယ်ဝတဲ့ နိုင်ငံတခုဟာ ပဋိပက္ခ ပြဿနာတွေကြောင့် ပြည်တွင်း မငြိမ်မသက်မှုတွေဟာ ပါတ်ဝန်းကျင်ဒေသ တခုလုံး ထိခိုက်ကုန်ရမှာတွေကိုပါပဲ၊
တခုသတိပြုရမှာက နိုင်ငံတွင်းက တိုင်းရင်းသားအဖွဲ့ ၁၇ ဖွဲ့ဟာ အသီးသီး လက်နက် ဆွဲကိုင်နိုင်ကြတယ် ဆိုတာပါဘဲ၊ ၁ရ ဖွဲ့က ငြိမ်းချမ်းရေး စာချုပ် ချုပ်ထားကြပါတယ်၊ ဒါပေမဲ့ ဒါဟာ ပဋိပက္ခတွေ မရှိတော့ဘူးလို့ ဆိုလိုရာ မရောက်ပါဘူး၊ ဒါကြောင့် စစ်တပ်ရယ် ဒေါ်အောင်ဆန်း စုကြည်ရယ် တိုင်းရင်းသား လူမျိုးစု အားလုံး အဖွဲ့စုံပါဝင်တဲ့ အမျိုးသား ရင်ကြားစေ့ရေး ကိစ္စဟာ အရေးကြီးတယ်လို့ ဆိုရခြင်းပါ၊ ကျနော်တို့ ဟာ အီရတ်မှာ ဖြစ်ခဲ့တာတွေကို ဘယ်နိုင်ငံမှာမှ ထပ်ပြီး မဖြစ်စေချင်ပါဘူး၊
မြန်မာဘာသာပြန် အဆုံးသတ်ပါသည်၊
(စင်ကာပူ ဒီမိုကရေစီ အင်အားစု)
ကိုးကားချက်
၁၃-အောက်တိုဘာ -၂၀၀၇ (စင်ကာပူ စထရိတ်တိုင်း သတင်းစာ)
