အွန်လိုင်း
အောက်တိုဘာ ၁၂ ရက်၊ ၂ဝဝ၇ ခုနှစ်
နအဖ စစ်အာဏာရှင်တွေက ဒေါ်အောင်ဆန်းစုကြည်နဲ့ ဆွေးနွေးမယ်လို့ ထုတ်ဖော် ပြောကြားလိုက်တာနဲ့ ပတ်သက်လို့ မဇ္ဈိမ သတင်းဌာနကနေ ကျနော့် အမြင်ကို တင်ပြချင်ပါတယ်။ အမြင် ဆိုတာထက် တကယ့် ပကတိ လက်တွေ့ အခြေအနေတွေကို သိအောင် ပြောချင်တာပါ။
နအဖ အကြမ်းဖက်သမား အာဏာရှင် စစ်ဗိုလ်ချုပ်ကြီး သန်းရွှေက ကမ္ဘာ့ ကုလသမဂ္ဂကြီး အပါအဝင် မြန်မာပြည်သူတွေ အပေါ် စာနာ ထောက်ထားတဲ့ နိုင်ငံတကာ အသိုင်းအဝိုင်းနဲ့ မြန်မာ ပြည်သူတွေကို လှည့်စားဖို့ ရည်ရွယ်ပြီး ဒေါ်အောင်ဆန်း စုကြည်နဲ့ ဆွေးနွေးမယ်လို့ ကျေညာလိုက်တာ ဖြစ်ပါတယ်။
ကြပ်ပြေး ဗိုလ်ချုပ် တသိုက်နဲ့ အလွန်နီးစပ်တဲ့ အရာရှိကြီး တဦးကတော့ သူတို့ဗိုလ်ချုပ်တွေ တွေ့ဆုံ ဆွေးနွေးရတဲ့ ရည်ရွယ်ချက်တွေကို အခုလို ပြောပြထားပါတယ်။
“ဗိုလ်ချုပ်မှူးကြီး သန်းရွှေ အပါအဝင် ထိပ်ပိုင်း ခေါင်းဆောင်တွေထဲမှာ အတိုက်အခံနဲ့ ပြည်သူလူထု အပေါ် ထားရှိတဲ့ သဘောထားက ဘာမှ မပြောင်းလဲဘူးနော်။ အခုလို ဆွေးနွေးမယ်လို့ ခါတော်မှီ ပြောရတာက လုံခြုံရေး ကောင်စီနဲ့ နိုင်ငံတကာ ဖိအားကို ရှောင်ဖို့ပေါ့နော်။ ဒါကတချက်။ နောက်တခုက အတိုက်အခံ အင်အားစုတွေ ပြည်သူလူထုတွေထဲက ပျော့တဲ့ အုပ်စုကို ဖဲ့ထုတ် စည်းရုန်းနိုင်အောင်ရယ်ပေါ့။ အခုက တပ်ထဲမှာရော၊ ဝန်ထမ်းတွေ ထဲမှာရော အခြေအနေက မကောင်းဘူးဆိုတာ သူတို့သိတယ်။ ဒါကိုလည်း ဆွေးနွေးပွဲ လုပ်မယ့် သဘောတရားနဲ့ ထိန်းထားချင်တာ အဲဒါပဲ ခင်ဗျ” လို့ ပြောပြတာပါ။
နောက်ပြီး သူပြောသွားတာကတော့ နအဖ စစ်ဗိုလ်ချုပ်တွေရဲ့ အဓိက ဒေါက်တိုင်တွေကို အသုံးချပြီးတော့ တချို့ကို ပြန်ပေးဆွဲတဲ့ သဘောမျိုး ဖမ်းဆီးထားပြီး တချို့ကို အမြစ်ပြတ်ချေမှုန်း၊ ခေါင်းဆောင်ပိုင်းတွေနဲ့ နိုင်ငံရေး ပါတီတွေ ဒူးထောက် အညံ့ခံလာအောင် လုပ်မယ့် စီမံချက်တွေလည်း ရေးဆွဲထားတယ်လို့ ပြောပါတယ်။
အခုလို ဆွေးနွေးမယ် ဆိုတဲ့ နအဖရဲ့ လေသံကို လိုက်ပြီး နိုင်ငံတကာ အသိုင်းအဝိုင်းနဲ့ မြန်မာပြည်သူ တရပ်လုံးက မျက်စိ မလည်သင့်ပါဘူး ခင်ဗျာ။ ကိုယ်လုပ်စရာရှိတာ ဆက်လုပ်ကြပါ။ မကြာခင် စစ်အာဏာရှင် စနစ်ကြီး တခုလုံး မြန်မာ့မြေပေါ်က ပျောက်ကွယ်သွားရမှာ သေချာပါတယ်။
No comments:
Post a Comment