၂၄-စက်တင်ဘာ-၂ဝဝ၇
သံဃာများ ကံဆောင် သပိတ်မှောက်ခြင်းမှ ၂၄-စက်တင်ဘာတွင် ပြည်တွင်းမှ ပြောသည့်အတိုင်း လုပ်ပြလိုက်ပါပြီ။ ရွှေဝါရောင် တော်လှန်ရေး (Golden Revolution) ဖြစ်လာအောင် သံဃာတော်များ လှုံ့ဆော်ခဲ့ခြင်းမှာ အလွန်လှပ၊ အံ့သြဖွယ် ဖြစ်ရပ်တခုအဖြစ် နအဖ အငိုက်မိသွားပါသည်။ ပြည်တွင်း၊ ပြည်ပ မြန်မာများ အားလုံးမှာ မြန်ဆန်လှတဲ့ အဖြစ်အပျက် နောက်ကို လိုက်လာနေပါပြီ။
ရှစ်လေးလုံးတုံးကလိုပဲ ၃လ၊ ၄လ လောက်တော့ စစ်တပ်များနဲ့ သံဃာ၊ ကျောင်းသား၊ ပြည်သူများ အားပြိုင်ရဦးမှာပဲ။ စစ်တပ်ကို မကွဲအောင် စစ်ခေါင်းဆောင်ကြီးတွေ လူနဲ့ဝေးတဲ့ နေပြည်တော် တောတောင်မှာ ထားပြီး၊ ဖိုင်ဘာ အော့ပ်တစ် ဆက်သွယ်ရေး ကွန်ယက်ကိုလည်း အောင်မြင်စွာ ချထားပေမဲ့ ဒီမိုကရေစီ အပြောင်းအလဲကို မဟန့်တားနိုင်တော့ပါဘူး။ လူထု ခေါင်းဆောင် ဒေါ်အောင်ဆန်းစုကြည် ရဲ့ လွတ်မြောက်ရေးလည်း မဝေးတော့ပါဘူး၊ သူ့အိမ်ကို လာရောက်တဲ့ သံဃာတော်များကို အိမ်ကထွက်ပြ နိုင်ခဲ့ပါပြီ။ တရုတ်၊ အိန္ဒိယ၊ အမေရိကန် ရေတပ်များလည်း ဘင်္ဂလား ပင်လယ်အော်မှ စောင့်ကြည့်နေမှာ သေချာပါတယ်။
နအဖရဲ့ နောက်ဆုံး အောင်မြင်မှု လက်နက်
ဒီပဲယင်း ဝါးရင်းတုတ်ပါပဲ။ ဒီနည်းနဲ့ အရပ်သား ကြံ့ဖွတ်၊ စွမ်းအားရှင်တွေ သုံးခဲ့တာ အောင်မြင်ခဲ့တော့ ဆက်လက် သုံးဦးမှာလား။ ညမထွက်ရ အမိန့်ဆိုတာလည်း မြန်မာပြည်မှာ သေနတ်ဖေါက်ပြီး ထုတ်ပြန်လေ့ ရှိတယ်။ ဒီနည်းကို ဆက်သုံးမှာလား။ သံဃာအတုတွေ အစိုးရ အဆောက်အဦ၊ တံတား၊ ကား၊ ရထား တွေကို မီးရှို့ ဖျက်ဆီးခိုင်းမှာလား။ နောက်ဆုံး ဘယ်တော့များ စစ်တပ်က ပစ်ခတ်မှာလား၊ လားပေါင်းများစွာနဲ့ ပါပဲ။ အုပ်ချုပ်သူဆိုတော့ အသာစီး ရနေစမြဲပါ။ နအဖ က ရှစ်လေးလုံး သင်ခန်းစာကို အသေယူထားကြပါတယ်။ မဟုတ်တဲ့ အစိုးရ ဘယ်လောက်ကြာကြာ ခံနိုင်ပါမလဲ။
စင်ကာပူ၊ မလေးရှား၊ ထိုင်းနိုင်ငံတွေမှာတော့ ဘယ်လိုထောက်ခံ၊ ကူညီရမလဲ လုပ်ကြည့်ခဲ့ကြတယ်။ မလေးရှား၊ ဂျပန်တွေမှာ အော်ဟစ် ကြွေးကြော်ချင်ရင် ၁၅ မိနစ် အော်ကြဆိုပြီး ရဲက ခွင့်ပေးတယ် ဆိုပေမဲ့ စင်ကာပူမှာတော့ လမ်းလျောက်ပွဲ လုပ်တာတောင် ရဲက မှတ်ပုံတင် တောင်းပြီး နောက်ကို မလုပ်ရန်ပြောတော့ ခက်နေတယ်။ မြန်မာပြည်က လုပ်ဆောင်နေသူများကို ကူညီနိုင်တဲ့ နည်းလမ်းတွေကတော့
(၁) ဘုန်ကြီးကျောင်းတွေမှာပဲ သံဃာတော်များရဲ့ တရားနားထောင်၊ မေတ္တာသုတ် ရွတ်ဖတ်ခြင်း လုပ်ရင်း လာရောက်သူများ စုပေါင်း တိုင်ပင်ခြင်း။
(၂) ငွေကြေးကောက်ခံ၍ မြန်မာပြည်ရှိ သံဃာတော်များရဲ့ ကျောင်းတိုက်များကို ငွေအနည်းအများ၊ မဆို စိတ်ဓါတ် မြှင့်တင်ရေး ငွေကြေးများ ကူပံ့ပေးခြင်း။
(၃) မြန်မာပြည်သို့ အလည် (သို့မဟုတ်) အကြောင်း အမျိုးမျိုးကြောင့် ပြန်ချင်သူများကို စင်ကာပူမှ တဆင့် လေယာဉ် စင်းလုံးဖြင့် ပြန်နိုင်ရန် လုပ်ဆောင်ခြင်း စသည့်အချက်များ ဖြစ်ပါတယ်။
ပြည်တော်ပြန်မည့် ပြည်ပရောက် စွန့်စားဝံ့သူများ
အချို့လည်း မလေးရှား၊ ထိုင်း နိုင်ငံများတွင် ပတ်စပို့ မပါပဲ လာရောက်နေသူများ ရှိပါတယ်။ ထိုသူများလည်း ကုန်းကြောင်း ခရီးဖြင့် မြန်မာပြည်သို့ နယ်စပ်မှ ပြန်ဝင်သွားပြီး သူတို့သန်ရာ၊ လုပ်ငန်းများခြင့် သံဃာတော်များ၊ ပြည်သူများအတွက် အထောက်အပံ့ ဖြစ်စေနိုင်ပါတယ်။ နိုင်ငံခြား ထွက်လာသူများမှာ စွန့်စားရဲ၍ ထွက်လာသူများ ဖြစ်ပါသည်။ ထို စွန့်စားရဲသူများကို အမိမြန်မာပြည်က ယခုလို အရေးကြီးချိန်တွင် အလွန် လိုအပ်နေပါသည်။ ကြိုဆိုနေပါသည်။
နိုင်ငံခြားရောက် မိတ်ဆွေများ၊ မိမိကိုယ်တိုင် မြန်မာပြည်သို့ ပြန်၍ သံဃာတော်များနှင့် ပြည်သူများအတွက် မလုပ်နိုင်သော်လည်း အနည်းငယ်မျှသော ငွေကြေးအားဖြင့်လည်း မြန်မာပြည်ပြန်မည့် ပြည်ပရောက် အာဇာနည်များကို ကူညီနိုင်ပါသည်။ စင်ကာပူ ပင်နီစူလာ ပလာဇာနှင့် မြန်မာ ဘုန်းကြီးကျောင်းများတွင် အလှူငွေ ကောက်ခံနေပါသည်။ ယုံကြည် စေလိုပါသည်။ အလားတူ မလေးရှားနိုင်ငံ၊ ထိုင်းနိုင်ငံများတွင်လည်း ပြည်တော်ပြန်မည့် စွန့်စားရဲသူ လူငယ်များ စင်ကာပူထက် သာ၍၊ ပို၍ပင် များပြားလာပါတယ်။ ထိုသူများကို ကူညီနိုင်ရေး အတွက် ဘာလုပ်နိုင်မလဲ။ ဦးခေါင်းတခု အင်အားထက် ဦးခေါင်းများစွာ စုပေါင်း ဆွေးနွေးရင် ထူးခြားသော အင်အားများ ရရှိနိုင်မည် ဖြစ်ပါသည်။
နအဖ နဲ့ သူတို့အပေါင်းဖေါ်များ
နိုင်ငံတကာမှာ နအဖ ကျွေးတဲ့ အစာစားပြီး၊ ကျေးဇူးရှိနေသူများ အများအပြား ရှိပါတယ်။ စင်ကာပူ ပင်နီစူလာ ပလာဇာ လက်ဖက်ရည်ဆိုင် အထိတောင် သူတို့အုပ်စုတွေ တခါတခါ တွေ့ရပါတယ်။ သူတို့ကတော့ နအဖကို တော်လှန်မဲ့သူများ မဟုတ်ပါ။ ထိုသူများနဲ့တွေ့ရင် သူတို့ရဲ့ လက်သုံးစကား တခု ရှိပါတယ်။ “နိုင်ငံခြားမှာ လာပြီး လေမကျယ်နဲ့၊ အစိုးရကို မကြိုက်ရင် မြန်မာပြည် ပြန်ပြီး၊ ပြော” ဆိုတဲ့ စကားပါ။ အဲဒီလို လူမျိုးတွေကို လွတ်လပ်တဲ့ နိုင်ငံခြားမှာ ကောင်းကောင်း ပြောနိုင်ပါတယ်။ သူတို့ဆီက အခွင့်အရေး၊ ပါမစ်များ ရမယ်ထင်ပြီး ဖားနေရန် မလိုပါ။ ခပ်နာနာ ပြန်ပြောလိုက်ပါ။ “တိုင်းပြည်တခုလုံး ရစရာ မရှိအောင် စုတ်ပြတ်သတ်နေတာ ဘာကြောင့်လဲ” မေးရဲရမယ်။ စစ်ခေါင်းဆောင် ဆွေမျိုး၊ သားသမီးများလည်း စင်ကာပူလို နိုင်ငံမှာ ဆေးလာကုနေရတယ်။ ဆေးလာကုသူများကိုလည်း ကြုံလို့ တွေ့ရင် ကူညီပါ။ (အများစုကတော့ မကူညီနိုင်ပါ။ ဒေါသ ထွက်ကြတယ်)။ သူတို့ဆီက အခွင့်အရေး၊ ပါမစ်များ မရဘူး သေချာပါတယ်။ သူတို့လူနဲ့တောင် ပါမစ်တွေ မလောက်လို့ ဖြုတ်ထုတ် လုပ်နေရတော့ “နိုင်ငံ စုတ်ပြတ်သတ်နေတာ ဘာကြောင့်လဲ” မေးခွန်းတခုပဲ ကျွန်တော်တို့ တာဝန်ကျေပါတယ်။
ဘယ်လိုပဲဖြစ်ဖြစ် ကြားဖူးတဲ့ ဗန်မော်တင်အောင် အဆိုအရ “မကောင်းတဲ့ ခေတ်စနစ်တခု ဆိုတာ အနှစ်၂ဝ လောက်ဆိုရင် ပျက်စီးသွားလေ့ ရှိတယ်” ဆိုတဲ့အတိုင်း နအဖ ချုပ်ငြိမ်းရေး အစပြုပါပြီ။ မကြာခင်မှာပဲ မဇ္ဈိမ၊ ဧရာဝတီ၊ မိုးမခ၊ ဟစ်တိုင် စတဲ့ သတင်းစာတွေ ရန်ကုန်မြို့မှာ ထုတ်ဝေနိုင်တော့မဲ့ အချိန်ဟာ မဝေးတော့ပါဘူး။