ဆန်းသစ်
အောက်တိုဘာလ ၁၀ ရက်၊ ၂၀၀၇ ခုနှစ်။
လီကွမ်းယူ က ပြောပြီ
ဒီကနေ့  ၁ဝ-စက်တင်ဘာ-၂ဝဝ၇ စင်ကာပူ သတင်းစာတွေမှာ “ထုံပေပေ ဗိုလ်ချုပ်ကြီးများ ကြာကြာ မခံတော့မှာ သေချာတယ်” လို့  လီကွမ်းယူက အမေရိကန် ကာလီဖိုးနီးယား သတင်းစာ ဆရာကြီး ၂ ယောက်ကို ဗြောင်ပဲ ပြောချလိုက်ပါပြီ။ အရင် ရက်များမှာတော့ မြန်မာ့အရေး လှုပ်ရှားမှုတွေကို “သူ့ အစိုးရ နဲ့  သူ နိုင်ငံ” ဒုက္ခ မရောက်ရေးအတွက် ဆင်ခြင် ပြောဆိုနေရာကနေ အခုတော့ ဗြောင် ရှုတ်ချ လိုက်ပါပြီ။ လီကွမ်းယူ ဟာ ဗိုလ်ချုပ်ကြီးများရဲ့ တနပ်စား၊ လဒ်စား ထုံပေပေ မှုများကြောင့် ခံခဲ့ရပေါင်း များပေမဲ့ မြန်မာနိုင်ငံကနေ ဘယ်လို အမြက်ထုတ်ရမလဲ အမြဲ ကြံရွယ်နေသူပါ။ သူကပြောတယ် “ဗိုလ်ချုပ်ကြီး ခင်ညွန့် ကတော့ မဆိုးဖူး၊ သူ့ ကို ဟိုတယ် ခရီးလုပ်ငန်း အကြံပေးတော့ သူက လက်ခံပြီး အကောင်အထည် ဖေါ်နေရင်း၊ ထုံပေ၊ မိုက်ကန်းတဲ့ သဘောထား တင်းမာသူ ဗိုလ်ချုပ်ကြီးမျာက အနိုင်ယူ ဖြုတ်ချ၊ ထောင်သွင်း အကျဉ်းချလိုက်တယ်” လို့  ပြောပါတယ်။
၂ဝဝ၂ ဒီပဲယင်း အရေးအခင်း ပြီးတဲ့ နောက်ပိုင်းမှာ စင်ကာပူလည်း မြန်မာတွေအပေါ် မူဝါဒ ပြောင်းသွားတယ်။ စင်ကာပူကျွန်းမှာ တရုတ်လူမျိုး ကြီးစိုးရေး လူဝါဒကနေ တရုတ်ကုလား၊ မလေး အပြင် ယူရေးရှန်း ဆိုတဲ့ လူမျိုးတမျိုးကို အသစ် တိုးထည့်လိုက်တယ်။ လွှတ်တော် အမတ် တယောက်တောင် အာဏာရ ပါတီက ထည့်ထားပြီ။ သက္ကရာဇ် ၂ဝ၂ဝ မှာ လက်ရှိ လူဦးရေ ၃ သန်းကနေ ၆သန်းအထိ တိုးချဲ့ မယ် တရားဝင် ကြေညာရင်း၊ စင်ကာပူက မြန်မာ လူမျိုးတွေကို အလုပ်ပါမစ်၊ ပီအာ ဆိုတဲ့ အမြဲနေထိုင်ခွင့်တွေ အလွယ်တကူ တိုးချဲ့  ပေးလာတော့၊ မြန်မာပြည်က ဇနီး၊ ယောင်္ကျား၊ သားသမီးတွေကို စင်ကာပူ ခေါ်လာကြတယ်။ နောက်ဆုံးတော့ မြန်မာ လူမျိုးအပါအဝင် ဖိလစ်ပိုင်၊ ဗီယက်နမ်၊ မြန်မာ လူမျိုး တတ်သိ၊ ပညာရှင် လူငယ်၊ လူကြီးများစွာနဲ့  ပိုက်ဆုံ တတ်နိုင်တဲ့ မိဘများရဲ့ သားသမီးများလည်း စင်ကာပူမှာ ကျောင်းတက်သည် ဆိုတဲ့ ဂုဏ်ပုဒ်ကို ယူပြီး အခြေချ နေထိုင်လာတယ်။ အထူးသဖြင့် မြန်မာလူဦးရေ ၂ဝဝ၄ နောက်ပိုင်းမှာ ကြောက်ခမန်းလိလိ တိုးတက်လာတယ်။ ခရီးသွား ဘတ်စ်ကား၊ ရထားပေါ်မှာ လက်ကိုင်ဖုန်းပြောသံ ကြားလိုက်မှ သြော် - သူလဲ မြန်မာပါလား ဆိုတာ ကြုံရတာ များလွန်းနေပါပြီ။ ရှင်းရှင်း ပြောရရင် စင်ကာပူက မြန်မာပြည်တွင်းမှာ ဝင်ပြီး လုပ်ကိုင်စားဖို့  အကြံ မအောင်မြင်တော့၊ ဖေါ်ရွေပြီး၊ အလုပ်ရှင်ကို သိတတ်တဲ့ မြန်မာများကို အလုပ်သမား အဖြစ်နဲ့  အလုပ် လာလုပ်စေတဲ့ သဘောပါပဲ။
ရွှေဝါရောင် တော်လှန်ရေး အစ
မြန်မာပြည်မှာ လောင်စာဆီ ပြဿနာကနေ သံဃာတော်များ ဦးဆောင်တဲ့ ကံဆောင် သပိတ်ကြီး ဖြစ်ပြီး တပတ်ကြာလောက် စစ်အစိုးရက ဘာလုပ်ရမှန်းမသိ ဖြစ်သွားတယ်။ နောက်တော့ ခေါင်းမာတဲ့ စစ်အာဏာပိုင်များပဲ သံဃာ၊ ကျောင်းသား၊ ပြည်သူတွေကို ရက်စက်စွာ ပစ်သတ်၊ ချေမှုန်း ပစ်လိုက်တာ အလွန် ဝမ်းနည်းစရာပဲ။ စင်ကာပူမှာမှာ အိတ်ဆဲစီယာ ဟော်တယ်မှာ အနီရောင်ရှပ် ဝတ်ဆင်ထားတဲ့ ၅ဝဝ လောက်ရှိတဲ့၊ ပရိတ်သတ်ကို ဘုန်းကြီးတပါးက အင်္ဂလိပ်လို ပြောသွားတယ် "I don't want to cry form ... my .. country"...။ တခုခုတော့ လုပ်ကြတော့လို့ ဆိုတာပဲ။ အခုဆို ပြည်တွင်းမှာ ချေမှုန်းခံရတာ ၁ဝ ရက် ကျော်သွားပါပြီ။ ပြည်ပ မြန်မာများနဲ့  ကုလသမဂ္ဂ အပါအဝင်၊ နိုင်ငံကြီးများကအစ စင်ကာပူ နိုင်ငံလေး အဆုံး တရုန်းရုန်း ဖြစ်နေပါတယ်။
တကမ္ဘာလုံးမှာ အရေးကြီး ဖြစ်ရပ် သိပ်မရှိတဲ့ အချိန်နဲ့  ကမ္ဘာ့ကုလသမဂ္ဂ အထွေထွေ ညီလာခံ ကျင်းပနေချိန် တိုက်တိုက်ဆိုင်ဆိုင် မြန်မာပြည်က ကံဆောင် သံဃာသပိတ်ကြီး ရုတ်တရက် ဖြစ်လာတော့ တအံ့တသြ ဖြစ်ကြရတယ်။ ကမ္ဘာတွင် မကဘူး မြန်မာပြည်သူများ ကိုယ်တိုင်နဲ့  နအဖ စစ်သားအထိ အံ့သြစရာ ဖြစ်ရပ်ပဲ။ ၁၉၈၈ ရှစ်လေးလုံး အရေးအခင်းမှာ ကွန်မြူနစ်ပုံစံ မဆလပါတီ ပြုတ်သွားပြီး၊ အရင်းရှင်ဆန်တဲ့ နအဖ တက်လာတယ်။ နောက် ၁၉၈၉ မှာ တရုတ်နိုင်ငံ အရေးအခင်းကြီး ဖြစ်ပြီး တရုတ် ကွန်မြူနစ် ပါတီက တနိုင်ငံထဲ စနစ်၂ မျိုးနဲ့ ပြောင်းလဲ အုပ်ချုပ်ခဲ့တယ်။ ၁၉၉ဝ မှာတော့ ကမ္ဘာ နျူကလီးယား အင်အားကြီး ရုရှား အင်ပါယာကြီးက ကွန်မြူနစ်စနစ် ပြိုလဲသွားပြီး ဘာလင် တံတိုင်းလဲ ကွယ်ပျောက် သွားခဲ့တာ အံ့သြကုန်နိုင်ဖွယ် ဖြစ်ခဲ့ရပါတယ်။ ဒီတော့ ကွန်မြူနစ်စနစ် စတင် ပြိုလဲတာ မြန်မာပြည်က စခဲ့တယ် ကြံဖန်ပြောလဲ ရပါတယ်။ အခုလည်း ကမ္ဘာမှာ ဘာသာရေး အုံကြွမှု အီရန်နိုင်ငံ ရှားဘုရင်ကို ဖြုတ်ချစဉ် ဖြစ်ခဲ့သလိုပါပဲ။ သင်္ကန်းရောင် တော်လှန်ရေးဟာ အရောင်နဲ့  ကြည့်ရတာကိုက တော်တော်လှပခဲ့တယ်။ ကမ္ဘာပြည်သားများက သံဃာတော်တွေကို ပစ်သတ်မယ် မထင်ဘူး၊ အထူးသဖြင့် စင်ကာပူ နိုင်ငံသားတွေက လုံးဝကို မထင်ကြဘူး။ မြန်မာတွေက “စစ်တပ်က တကယ် ပစ်သတ်လိမ့်မယ် ကြည့်နေ” လို့  ပြောတာတောင် စင်ကာပူ နိုင်ငံသားတွေက မဖြစ်နိုင်ဘူးပဲ ပြောကြတယ်။ ဝမ်းနည်းဖွယ်ရာ သင်္ကန်းတွေ သွေးလွှမ်းခဲ့ရတယ်။ သတင်းထောက်ဆိုရင် ကမ္ဘာ့ စစ်တပ်တွေမှာ သူတို့ အသက်ကိုတောင် စစ်တပ်တွေက အထူး ကာကွယ် ပေးရမှာကို ဂျပန် သတင်းထောက် ခမျာ အနီးကပ် ရက်စက်စွာ သိသိရက်နဲ့  ပစ်သတ်ပစ်တာလဲ ကမ္ဘာက အံ့သြ အောချရတယ်။
အရှေ့တောင်အာရှ မြန်မာများ
ကျနော်က စင်ကာပူဆိုတဲ့ ကျွန်းနိုင်ငံ သေးသေးလေးမှာ ရှိုးဂျော့ ဆိုတဲ့ အလုပ် လာလုပ်တဲ့လူပါ။ ရှင်းရှင်း ပြောရရင် စီးပွားရေး ဒုက္ခသည်လို့ ဆိုနိုင်ပါတယ်။ မိသားစုပါ စင်ကာပူမှာ ခေါ်ထားနိုင်တော့ တော်တော် ကုသိုလ်ကံ ကောင်းတဲ့လူပါ။ မလေးရှားရောက် မြန်မာများကို ကြွက်လို့ ခေါ်တဲ့ မလေးရှား ရဲတွေက လိုက်ဖမ်း၊ ငွေညှစ်တာတွေ ကြည့်ပြီး စိတ်မကောင်းဘူး။ ထိုင်းမှာတော့ ပိုဆိုးသေးတယ်။ မြန်မာဖမ်းပြီး ငွေတောင်းတဲ့ လုပ်ငန်းကို ထိုင်းအစိုးရက မသိချင် ယောင်ဆောင် ထားတာလည်း ဘာမှ မတတ်နိုင်ပါဘူး။ ပြုသမျှ နုရပေမဲ့ အလုပ်ရရင် ငွေရှာနိုင်တော့ တော်သေးတယ်။ ထိုင်းနယ်စပ် မဲဆောက်က မဲလ ဒုက္ခသည် စခန်းမှာ ဒုက္ခသည် ၅ သောင်းရဲ့ ဘဝကို တွေ့ မြင်တော့ ရင်နာရတယ်။ နောက်ဆုံး ကိုယ့်ဆွေမျိုးတွေရှိတဲ့ ဧရာဝတီတိုင်း၊ စစ်ကိုင်းတိုင်း၊ ကချင်ပြည်နယ်တွေက ပြည်သွားလည်ခွင့် ရတော့ ဆံပြုတ်သောက်၊ ပိန်းဥစား၊ ကြမ်းပေ့ဆိုတဲ့ ဆန်တွေကို စားသောက်နေရတဲ့ ပိန်လှီ၊ သေးကွေးလှတဲ့ အဟာရ မပြည့်ဝ ကလေးများ၊ လူငယ်များကို မြင်တွေ့ ရတော့ အရမ်းကို မကျေမနပ် ဖြစ်မိတယ်။ ခက်တာက တီဗီ၊ တံတား၊ လမ်း၊ ဈေးတိုက် အသစ်တွေကို မြင်နေရတဲ့ မြန်မာပြည်သားများကို မင်းတို့ သိပ်ခေတ်နောက်ကျနေတယ် မပြောရက်ဘူး၊ သူတို့ ဖာသာ အစိုးရရဲ့ အလှောင်ပိတ် ဘဝထဲမှာနေပြီး ကျေနပ်လို့ ၊ ရောင့်ရဲ တင်းတိန် ပျော်ပျော်ပါးပါး ဗီဒီယိုကြည့်၊ လ္ဘက်ရည်ဆိုင် စကားဝိုင်နဲ့ တရုတ်လုပ် ဒီဗီဒီ ပြစက်ကို အသုံးပြုနိုင်တာကိုပဲ ဟုတ်လှပြီ ထင်နေရှာတယ်။ နိုင်ငံခြား အကြောင်းတွေလည်း ကိုယ်ကပြောရင် သူတို့ နဲ့  မဆိုင်သလိုပဲ နားထောင်ကြတယ်။
ရုတ်တရက် ရှစ်လေးလုံး ကျောင်းသားတွေ လောင်စာဆီ ကိစ္စ၊ ဆန္ဒပြတော့ ပြည်သူတွေက ကြောက်ရွံတာကြောင့် မဆိုင်သလို နေပေမဲ့၊ သံဃာတော်များ ဦးဆောင်တော့ ပြည်သူတွေ နိုးကြားသွားတာ သိပ်မြန်တယ်။ ပြည်သူတွေ ထင်သလိုပါပဲ၊ ပစ်သတ်၊ ချေမှုန်းခံလိုက်ရတယ်။
စင်ကာပူက မြန်မာများ လှုပ်ရှားမှု
အခုတော့၊ ပြည်ပရောက် မြန်မာများ အလှည့် ရောက်လာပါပြီ။ ကျနော်တို့ ကတော့ စင်ကာပူ နိုင်ငံလေးမှာနေတော့ ဂန္ဒီကြီးဝါဒ အတိုင်းပဲ ကိုယ်မနိုင်တဲ့ မြန်မာပြည်တွင်း ကိစ္စ၊ စစ်ဗိုလ်ချုပ်ကြီးများ၊ ကုလသမဂ္ဂ၊ အမေရိကန်၊ တရုတ်ရုရှား၊ အိန္ဒိယကအစ အာစီယံ နိုင်ငံ ကိစ္စတွေလည်း နားထောင်ယုံက လွဲလို့  ဘာမှ မတတ်နိုင်ပါဘူး။ ကိုယ်တတ်နိုင်တဲ့ ကိစ္စကိုပဲ လုပ်ကြမယ် ဆိုပြီး စင်ကာပူမှာ နီးစပ်ရာ ဒီမိုကရေစီ အဖွဲ့ များ၊ လူမှုရေးအဖွဲ့ များ၊ ပေါ်လီတက်ကနစ်၊ စင်ကာပူ အင်တီယူ၊ အင်ယူအက်စ်၊ အက်စ်အမ်ယူ စတဲ့ တက္ကသိုလ် ကျောင်းသားများ၊ ရန်ကုန် စက်မှု တက္ကသိုလ် ကျောင်းသားဟောင်းများ၊ ဆရာဝန်များ၊ ဘူမိဗေဒ ပညာရှင်များ၊ ဆေးရုံ၊ ဆောက်လုပ်ရေး၊ သင်္ဘောကျင်း အလုပ်သမားများ စသဖြင့် နီးစပ်ရာတွေနဲ့  အမျိုးမျိုး လှုပ်ရှားကြပါတယ်။ စတင် လှုပ်ရှားတဲ့ အဖွဲ့ တွေမှာ နိုင်ငံရေး နိုးကြားသူများရဲ့ အိုးဝေ (စင်ကာပူ) အဖွဲ့ ရှေ့ ဆုံးကပဲ။ တိုပါးရိုး ဘုန်းကြီးကျောင်းမှာ စက်တင်ဘာ-၃ဝ ရက် တနင်္ဂနွေမှာ လူစုပြီး၊ ဘားမားအက်ရှင် (စင်ကာပူ)၊ လမ်းပြကြယ် စာကြည့်တိုက်တွေနဲ့ ပေါင်းပြီး သံဃာ ထောက်ပံ့ရေး ကော်မတီကို ဖွဲ့ စည်းတယ်။ ပင်နီစူလာ ပလာဇာက လမ်းပြကြယ် မြန်မာ စာကြည့်တိုက်မှာ အလှူငွေ ကောက်တော့ ၃ ရက်အတွင်း စင်ကာပူဒေါ်လာ ၃ သောင်းလောက် ရရှိသွားတယ်။ အဲဒီ အချိန်မှာ စင်ကာပူရဲက နည်းမျိုးစုံနဲ့  တိုက်ခိုက်လာလို့  ငွေကောက်ခံမှုကို ရပ်လိုက်ရတယ်။ ငွေတွေတော့ မြန်မာပြည်က သံဃာ၊ အဖွဲ့ တွေကို အမြန်ဆုံး ပို့ပေးပြီးပါပြီ။ နောက်ပိုင်း တကမ္ဘာလုံးက အင်တိုက်အားတိုက် မြန်မာ စစ်အစိုးရကို အပြင်းအထန်၊ တိုက်ခိုက်တဲ့အပြင် စင်ကာပူ နိုင်ငံသားများရဲ့ မြန်မာ့ ဒီမိုကရေစီရေးကို အားပေးမှုတွေကြောင့် စင်ကာပူဟာ မြန်မာ စစ်အစိုးရကို ငြိမ်းချမ်းစွာ ဖြေရှင်းဖို့  အထူး တောင်းဆို လာရတယ်။ မစ္စတာ ဂမ်ဘာရီလည်း စင်ကာပူက တဆင့် မြန်မာပြည်ကို သွားခဲ့ပါတယ်။
ကုလသမဂ္ဂမှာလည်း မြန်မာနိုင်ငံကို ပြင်းထန်စွာ စီးပွားရေး၊ ပိတ်ဆို့ အရေးယူဖို့  အမေရိကန်၊ အင်္ဂလိပ်၊ အနောက်နိုင်ငံများက လုံခြုံရေး ကောင်စီ အထူး စည်းဝေး လုပ်ခဲ့ရာမှာ တရုတ်က ကန့်ကွက်တယ်။ ရုရှားကလည်း ထို့ အတူပဲ၊ ဆရာကြီး ၂ နိုင်ငံ ရှေ့က သွားပြီးမှာ ဆရာလေး စင်ကာပူကလည်း ပိတ်ဆို့ လိုက်နည်းကို မသုံးဖို့  ပြောလာတယ်။ မြန်မာနိုင်ငံကို မြေပေါ်ကျနေတဲ့ အမဲသားတုံး တခုလိုပဲ၊ ဝိုင်းလု ဖဲ့စားဖို့  ကြိုးစားနေကြတာ စိတ်ဝင်စားစရာပါ။ ဓါတ်ငွေ့ လည်း တနှစ်ကို ဒေါ်လာ ၂ ဘီလျှံ ဘိုးလောက် ရောင်းနေရတော့ ထိုင်းနိုင်ငံကလည်း အမေရိကန် ရေနံ ကုမ္ပဏီကြီးတွေနဲ့ ပေါင်းစား၊ တရုတ် အိန္ဒိယတွေကလည်း ရသရွေ့ ယူချင်နေတဲ့ အပြင်၊ ဘင်္ဂလား ပင်လယ်အော်ကနေ အိန္ဒိယ သမုဒ္ဒရာကို ထွက်ပေါက် စစ်မဟာဗြူဟာ အရေးကိုလည်း တရုတ်က လိုချင်နေတဲ့ ကိစ္စတွေနဲ့  ရှုပ်ရှက်ခပ်နေပါတယ်။ ဒီအရေးတွေမှာ စင်ကာပူ နိုင်ငံကလေးကလည်း ပွဲစားနိုင်ငံ ပီပီ စေတနာနဲ့  ကူသလိုလို၊ အမြတ်ထုတ်နေတာပါ။
စင်ကာပူက မြန်မာသံရုံးရှေ့  ဆန္ဒပြခြင်းကို မနှိမ်နင်းပဲ လွှတ်ပေးထားခြင်း၊ မြန်မာ့ အရေး ဆွေးနွေးပွဲ အိတ်စစ်စီယာ ဟော်တယ် လူ ၄ဝဝ ဆန့်  အခန်းကို ခွင့်ပြုခြင်းတွေဟာ စင်ကာပူ နိုင်ငံမှာ အနှစ်၂ဝ လောက် နေခဲ့တဲ့အတွင်း ဘယ်နိုင်ငံ အရေးအခင်းမှာမှ မတွေ့ခဲ့ရပါဘူး။ စင်ကာပူရောက် မြန်မာများ ဆူပူ အုံကြွလာရင် အတိုက်အခံ ပါတီ၊ အထူးသဖြင့် - အက်ဒီပီ က ဒေါက်တာ ချီ အုပ်စု အမြတ်ထုတ်သွားပြီး၊ စင်ကာပူ နိုင်ငံရေး အခက်အခဲ ဖြစ်လာမှာကိုလည်း ကာကွယ် ရပါသေးတယ်။ စင်ကာပူ ဒေါက်တာချီက စင်ကာပူ လီကွမ်းယူ အစိုးရက ရောင်းချတဲ့ လက်နက် စက်ရုံတွေက ထုတ်တဲ့ ကျည်ဆံတွေနဲ့  မြန်မာ သံဃာ၊ ပြည်သူများကို ပစ်သတ် ခံရပါတယ် ပြောတော့ စင်ကာပူ အစိုးရ တော်တော် အထိနာပုံ ရပါတယ်။ ဒီဆောင်းပါး ရေးစဉ်မှာပဲ ဒေါက်တာချီတို့  အဖွဲ့ စင်ကာပူ သမ္မတ နေအိမ်ထိ ၂၄ နာရီ ဆန္ဒပြတော့မယ် လုပ်လာလို့  အရေး ယူလိုက်ရတယ်။ လီကွမ်းယူ ကလည်း တက္ကသိုလ် ကျောင်းသားတွေကို မြန်မာ့အရေးကိစ္စ သွားပြောတယ်။ အရှေ့တောင်အာရှမှာ တိုင်းဗုံးလိုပဲလို့ ၊ ပေါ့ပေါ့ မထားဖို့ ပြောသလို၊ လီကွမ်းယူရဲ့ သားဖြစ်သူ ဝန်ကြီးချုပ် လီရှန်လုန်းကလည်း မြန်မာ စစ်ဗိုလ်ချုပ်ကြီးတွေကို ဆေးကုသခွင့်ပေးတာ လူလူခြင်း၊ ညှာတာ ထောက်ထားမှုကြောင့်ပါ။ စင်ကာပူက ငွေမဲတွေ ခဝါချ လက်ခံထားခြင်း မလုပ်ပါဘူး လို့  သတင်းစာ ရှင်းလင်း ပြောရတယ်။ ဘယ်လောက် ရှင်းပေမဲ့လည်း ဗိုလ်ချုပ်တွေရဲ့ မိသားစု၊ ဆွေမျိုးတွေ စင်ကာပူမှာပဲ ဆေးကု၊ အိမ်အကောင်းစားတွေဝယ်၊ စိန်ရွှေ ရတနာတွေဝယ်၊ သားသမီး၊ မြေးတွေကို ပညာသင်၊ ကျောင်းထား၊ ကမ္ဘာ့ စတော့၊ စင်ကာပူစတော့ ရှယ်ယာတွေ ဝယ်ပြီး နိဗ္ဗာန်လို နေနေကြတာ ကမ္ဘာက အသိပါပဲ။
လောလောဆယ်တော့ စင်ကာပူ အစိုးရကလည်း မြန်မာတွေ၊ သူ့နိုင်ငံ အတွင်းမှာ သူ့ ဥပဒေဘောင် အတွင်းက လှုပ်ရှားဖို့ကို မသိမသာ အားပေးနေတယ်။ ဥပဒေဘောင် အပြင်ကနေ အမှန်တရားတွေကို ဗြောင်ပြောပြီး တိုက်ခိုက်မဲ့ ဒေါက်တာချီ အဖွဲ့ နဲ့  မြန်မာ လှုပ်ရှားသူများ မပေါင်းမိသွားရေးကို အထူး ကြိုးစားနေရတယ်။ တခြား အင်အားကြီး အတိုက်အခံ အလုပ်သမား ပါတီကလည်း အခြေအနေကို ငြိမ်ငြိမ်လေး ကြည့်နေတော့ အာဏာလက်ရှိ ပီအေပီ ပါတီအတွက် အထူး စိုးရိမ်စရာ ဖြစ်နေတယ်။ ခြေလှမ်းမှားလို့  မဖြစ်ပါဘူး။
ဘာပဲဖြစ်ပါစေ၊ ဗိုလ်ချုပ် စိုးဝင်းလို မြန်မာများ မျက်စိကျစေမဲ့ အန္တရာယ်ထုတ်တွေကို မြန်မာပြည် ပြန်ပို့ ထားပြီးပါပြီ။ ထိပ်တန်း ဗိုလ်ချုပ်ကြီးများရဲ့ သားသမီး၊ ဆွေမျိုးတွေတော့ မြန်မာပြည် ပြန်သွားချင်သွားပေမဲ့၊ ဗိုလ်ချုပ် တော်တော် များများရဲ့ မိသားစုနဲ့  သူတို့ စိးပွားရေး လုပ်ငန်းတွေတော့ စင်ကာပူမှာ ခပ်တည်တည် ရှိနေကြပါတယ်။ အင်တာနက် ဝက်ဆိုက်တွေမှာတော့ စင်ကာပူ ရှင်တန်ဝေး မြို့လည်ခေါင်မှာ နအဖ ဆွေမျိုးတွေရဲ့ စီးပွားရေး၊ ကုမ္မဏီ လိပ်စာများကို ရေးသားပြီး၊ တိုက်ခိုက်ဖို့  တယ်လီဖုန်း၊ လိပ်စာတွေကို တင်ပြ ထားပါတယ်။ မြန်မာ အများစုကတော့ စင်ကာပူက ဗိုလ်ချုပ် ဆွေမျိုးတွေကို မတိုက်ခိုက်သေးပါဘူ။ အကျိုးမရှိဘူး ထင်လို့၊ မကြာခင်မှာပဲ စစ်အစိုးရ ပြုတ်သွားမှာ ယုံကြည်လို့  မတိုက်ခိုက် သေးတာလား မသိပါ။
တရုတ်ရုရှား ပြီးရင် လောလောဆယ် မြန်မာပြည်ရဲ့ မိတ်ဆွေအဖြစ် စစ်အစိုးရကို ခုခံ ကာကွယ် ပြောဆိုနေတဲ့ စင်ကာပူရဲ့ နည်းလမ်းတွေကလည်း စိတ်ဝင်စားဖွယ် ကောင်ပါတယ်။ နောက်ဆုံးတော့ စင်ကာပူက နအဖ အင်အားများ ကျဆုံးသွားရင် မြန်မာပြည် နအဖ တွေလည်း သေချာပေါက် ကျဆုံးမှာ ဖြစ်ကြောင်း ပေါ်လွင် နေပါတယ်။ စင်ကာပူက မြန်မာများ ကိုယ်နဲ့  ဆိုင်ရာ အဖွဲ့အစည်းတွေက တဆင့် ညီညွတ်စွာ ဝိုင်ဝန်း လှုပ်ရှားကြတဲ့ အတွက် ဝမ်းသာမိကြောင်းပါ။
