လှုပ်လေမြုပ်လေ ဆုပ်လေစူးလေ

မောင်မောင်လှကြိုင်

ကြာသပတေးနေ့၊ နိုဝင်ဘာလ 27 2008 18:01 - မြန်မာစံတော်ချိန်

မြန်မာ့နိုင်ငံရေး အခင်းအကျင်းဟာ မြင်ကွင်းမလှပါဘူး။ အာဏာပိုင်တွေက ဒီမိုကရေစီရေး လှုပ်ရှားသူတွေကို စနစ်တကျ နှိပ်ကွပ်နေပါတယ်။ တသက်တကျွန်းထက်ပိုတဲ့ နှစ်ရှည်ထောင်ဒဏ်တွေကို မတရားစီရင်မှုတွေနဲ့ အကျဉ်းချနေပါတယ်။ ဒါဟာ လူထုတွေက မဆန့်ကျင်ရဲအောင် ခြောက်လှန့်တာဖြစ်သလို၊ သူတို့ရဲ့ ၇ ချက်ပါ လမ်းပြမြေပုံကို အပြီးတိုင် ဆောင်ရွက်ရေးလမ်းကြောင်းမှာ အနှာင့်အယှက်တွေကို ရှင်းလင်းတာလည်း ဖြစ်ပါတယ်။ အာဏာပိုင်တွေကို မထီလေးစား ဖီဆန်ဆန့်ကျင်တာကို အငြှိုးထား လက်စားချေတာလည်း ဖြစ်ပါတယ်။ ဗြိတိသျှနယ်ချဲ့ခေတ်ကမှ 'သခင်ပေါက်စ ထောင် ၆ လ' ပဲ ရှိပါတယ်။ အခု နအဖ မတရားစီရင်တဲ့ ထောင်ဒဏ်ဟာ အဲဒီခေတ်ကထက် အဆ ၁၃၀ (၆၅ နှစ် x ၁၂= ၇၈၀ လ) ရှိနေပါတယ်။ ဦးတင်ဦးနဲ့ ဒေါ်စုတို့ကိုလည်း အာဏာပိုင်ကို အတိုက်အခံပြုတဲ့အတွက် အကန့်အသတ်မရှိဆိုသလို နေအိမ်အကျယ်ချုပ် ချထားပါတယ်။ အတိုက်အခံ တိုင်းရင်းသားခေါင်းဆောင်ကြီးတွေကို နှစ် ၈၀ ကနေ နှစ် ရာကျော်ထောင်ဒဏ်တွေ ချမှတ်ခဲ့တာ ရှိပါတယ်။ အတိုက်အခံ ခေါင်းဆောင်တွေအဖြစ် လုပ်ရဲရင် လုပ်ကြလို့ ခြိမ်းခြောက်စိန်ခေါ်ထားတာပါ။ နှစ်ရှည်ထောင်ဒဏ် မတရား ချခံလိုက်ရတဲ့ ဒီမိုကရေစီရေးနဲ့ လူ့အခွင့်အရေး လှုပ်ရှားသူတွေဟာ မတရားပြစ်ဒဏ် ၂ ခု ကျခံလိုက်ရတာပါ။ တခုကတော့ နှစ်ရှည်ထောင်ဒဏ်တွေပါ။ နောက်တခုကတော့ နယ်နှင်ဒဏ်ပါ။ မိသားစုနဲ့ ဆွေမျိုးသားချင်းတွေ လာရောက်တွေ့ဆုံနိုင်မှု ခက်ခဲတဲ့ ဝေးလံတဲ့ ထောင်တွေဆီ ပြောင်းရွှေ့ပို့ဆောင်ခံရခြင်းပါ။ ပြစ်ဒဏ်နှစ်ခုစလုံးနဲ့ စိတ်ဓာတ်ပိုင်းကို ရိုက်ချိုးလိုက်တာပါ။ ၂၀၁၀ ဆိုတာ နှစ်ဦး ဇန္န၀ါရီလကနေ နှစ်နှောင်းပိုင်း ဒီဇင်ဘာအထိပါ။ ၂၀၁၀ မှာ ပြုလုပ်မယ့် ရွေးကောက်ပွဲဟာ တနှစ်ကျော်ကျော်ကြီးများတောင် လိုတယ်လို့ ပြောမရပါဘူး။ နအဖ ထုံးစံအတိုင်း အချိန်ကို တိတိကျကျ ပြောမထားပါဘူး။ သူတို့ လုပ်ချင်ရင် အာဏာရှင်တို့ရဲ့လက္ခဏာတရပ်ဖြစ်တဲ့ "ဖ ဦးထုပ်သုံးလုံး"လမ်းစဉ်အတိုင်း "ဖြတ်ခနဲပေါ်တဲ့ အစီအစဉ်ကို ဖြုတ်ကနဲထပြီး ဖြစ်ကတတ်ဆန်း" လုပ်ကြမှာပါ။ ဒါကြောင့် ၂၀၁၀ မှာ လုပ်မယ်ဆိုတဲ့ ရွေးကောက်ပွဲကို ၂၀၁၀ နှစ်ဦးမှာ မလုပ်သေးဘူးလို့ အသေအချာ မပြောနိုင်ပါဘူး။ အများဆုံး လိုလှမှ တနှစ်စွန်းစွန်းလောက်ပဲ ရှိတော့မှာပါ။ အတိအကျကိုတော့ နအဖ ခေါင်းဆောင်ပိုင်းအချို့နဲ့ သူတို့ရဲ့ ဝေဒဆိုင်ရာ အကြံပေးတွေပဲ သိမှာပါ။ ပြီးခဲ့တဲ့ စက်တင်ဘာ နောက်ဆုံးထောင်ခါပွဲမှာပဲ အကျဉ်းသား ၉၀၀၂ ယောက်ကို လွှတ်ပေးခဲ့ပါတယ်။ ၂၀၀၇ ခုနှစ် စက်တင်ဘာ ရွှေဝါရောင်တော်လှန်ရေးလို အရေးတော်ပုံမပေါ်ပေါက်ဖို့၊ ၂၀၀၉ ခုနှစ်မှာ နအဖ အတွက် အကောင်းဖြစ်ဖို့ ကက်ကင်းကိုက် ယတြချေတာပါ။ မတရား ရေးဆွဲထားတဲ့ အခြေခံဥပဒေနဲ့အညီ ပြုလုပ်မယ့် ရွေးကောက်ပွဲပြီးလို့ စိတ်ကြိုက်အစိုးရ ဖွဲ့ပြီးရင် စိတ်ချရပြီလို့ တွက်ဆကာ အောင်ပွဲခံတဲ့အနေနဲ့ လွတ်ငြိမ်းချမ်းသာခွင့်နဲ့ ပြန်လွှတ်ကောင်း လွှတ်မှာပါ။ နာမည်ကောင်း ယူကြဦးမှာပါ။ ဗိုလ်ချုပ်သန်းရွှေကလည်း လမ်းပြမြေပုံကို အောင်မြင်အောင် ဆောင်ရွက်ဖို့ဟာ နိုင်ငံသားတိုင်းရဲ့ တာဝန်ဖြစ်တယ်လို့ ပြောသွားခဲ့ပါတယ်။ ဒါကြောင့် နအဖ အနေနဲ့က တဖက်သပ် စီစဉ်ထားတဲ့ လမ်းပြမြေပုံမှ တရွေးသား အလျှော့ပေးမှာ မဟုတ်ပါဘူး။ ဘယ်ဖိအား ဘယ်စကားနဲ့ပဲ နားချနားချ နားယောင်မှာ မဟုတ်သလို နားထောင်မှာလည်း မဟုတ်ပါဘူး။ "ဘယ်သူသေသေ ငတေမာဖို့" ပဲ ရှေ့ရှုသွားနေမှာပါ။ အာဏာပိုင်တွေကို ဆန့်ကျင်တယ်လို့ ယူဆရသူတွေကို နှစ်ရှည်ထောင်ဒဏ်တွေ မတရားစီရင်လိုက်လို့ နောင်ကြဉ်သွားကြမှာပဲ။ ၂၀၁၀ အတွက် ခလုတ်တံသင်း ရှင်းသွားမှာပဲလို့ နအဖ က ထင်တလုံးနဲ့ ကျေနပ်အားရနေမှာ အမှန်ပင်။ သူတို့မျှော်လင့်မထားတဲ့ ကွင်းဆက်ဖြစ်ရပ်တွေက တရစပ် ပေါ်ပေါက်လာနေပါတယ်။ မတရား အပြစ်ပေးခံလိုက်ရသူတွေ ကိုယ်တိုင်သာမက သူတို့ရဲ့ မိသားစုဝင်တွေကပင် အထူးသဖြင့် မိခင်တွေ၊ အမ ညီမတွေကတောင် ယုံကြည်ချက်ကြောင့် မတရားအပြစ်ဒဏ် ခံသွားရသူတွေအတွက် ဂုဏ်ယူဝင့်ကြွားစွာ အားပေးစကားတွေနဲ့ အာဏာပိုင်တွေရဲ့ မတရားစီရင်မှုကို အံတုရှုတ်ချလိုက်ကြပါတယ်။ စိတ်ဓာတ်တွေ ယိုင်လဲမသွားကြပါဘူး။ ပြည်တွင်းပြည်ပရှိ ပြည်သူအများကလည်း ခံပြင်းဒေါသဖြစ်နေကြပါတယ်။ ကုလသမဂ္ဂ အပါအ၀င် နိုင်ငံတကာ အဖွဲ့အစည်းတွေကလည်း ပြစ်တင်ရှုတ်ချကြပါတယ်။ လုံခြုံရေးကောင်စီကလည်း နအဖ ရဲ့ လူ့အခွင့်အရေး ချိုးဖောက်မှုအပေါ် အရေးယူဆောင်ရွက်ဖို့ ဆုံးဖြတ်ချက်ချခဲ့ပါတယ်။ နိုင်ငံကြီးတွေကလည်း ပိုမိုဖိအားပေး အရေးယူဆောင်ရွက်ဖို့ စိုင်းပြင်းလျက်ရှိနေကြပါတယ်။ ဒီရက်ပိုင်းအတွင်းမှာပဲ ဒေါ်စုနဲ့ စွယ်စုံအနုပညာရှင် ကိုသူရ ခေါ် ဇာဂနာကို နိုင်ငံတကာဆုတွေ ချီးမြှင့်လိုက်ပါတယ်။ အားနည်းသူတွေဘက်က အားပေးအားဖြည့်လိုက်ပါတယ်။ နအဖ နိုင်နင်းစွာ မကိုင်တွယ်နိုင်တဲ့ အရေးအကြီးဆုံး ၂ ခုကတော့ တရားဥပဒေစိုးမိုးရေးနဲ့ စီးပွားရေးကဏ္ဍပါ။ အခုလို နအဖက မတရားတဲ့ တရားစီရင်မှုနဲ့ မတရားဥပဒေတွေနဲ့ နှစ်ရှည်ထောင်ဒဏ်တွေ ချမှတ်ခြင်းမှာ ခိုင်မာတိကျတဲ့ တရားဥပဒေစိုးမိုးခြင်း မရှိကြောင်း မီးမောင်းထိုးပြလိုက်တာပဲ ဖြစ်ပါတယ်။ တရားဥပဒေ စိုးမိုးရေးမရှိတဲ့ အုပ်ချုပ်ရေးယန္တရားအဖြစ် နအဖ အပေါ် ယုံကြည်မှုအား အလွန်အားနည်းသွားစေပါတယ်။ စီးပွားရေးမှာလည်း အများပြည်သူ အကျိုးဖြစ်ထွန်းစေမယ့် မူဝါဒလည်း နအဖမှာ ခိုင်ခိုင်မာမာ မရှိလှပါ။ ဒါကြောင့်လည်း အများပြည်သူတွေအတွက် ဖွံ့ဖြိုးတိုးတက်မှုတွေ အလွန်နည်းပါးပါတယ်။ ဆင်းရဲချမ်းသာမှုဟာ အလွန်ကွာဟလျက်ရှိနေပါတယ်။ မြန်မာပြည်သူအများစုရဲ့ ဆင်းရဲတွင်းဟာ နက်သထက် နက်နေပါတယ်။ ကမ္ဘာ့စီးပွားရေးကပ် သင့်နေတဲ့ မျက်မှောက်ကာလမှာ စီးပွားရေးအကျပ်အတည်းဒဏ်ကို အနည်းနဲ့အများ ခံနေရပါပြီ။ ကာလကြာလာတဲ့အခါ များစွာ ခံရမှာဖြစ်ပါတယ်။ တခြားနိုင်ငံတွေအနေနဲ့ ဒီဒဏ်ကို ပြန်လည်ကုစား နလန်ထူနိုင်မှာ ဖြစ်ပါတယ်။ ကောင်းမွန်တဲ့ အုပ်ချုပ်ရေး (good governance) တရပ် ဖြစ်ဖို့ တရားဥပဒေစိုးမိုးရေးနဲ့ ကောင်းမွန်တဲ့ စီးပွားရေးဆိုတာတွေ ချိနဲ့အားနည်းနေတဲ့ နအဖ အတွက်ကတော့ ဒီ ဂယ်ပေါက်က ထွက်နိုင်မှာ မဟုတ်ပါ။ စစ်မှန်တဲ့ ဒီမိုကရေစီနိုင်ငံသစ်အဖြစ် အဓွန့်ရှည်ရပ်တည်နိုင်ဖို့အတွက် ပြည်သူအများ ချစ်ခင်ကြည်ညို လေးစားခံရတဲ့ အုပ်ချုပ်သူတွေဖြစ်အောင် နအဖ အနေနဲ့ အများရဲ့ တောင်းဆိုမှုတွေကို အလေးထား လုပ်ဆောင်ရန်မှာ အချိန်မနှောင်းသေးပါ။ အချိန်မီ ပြန်လည်စဉ်းစားကာ ပြင်ဆင်ဆောင်ရွက်မှသာ 'လှုပ်လေ မြုပ်လေ ဆုပ်လေ စူးလေ' မဖြစ်မှာပါ။

အကျဉ်းစံ ဓမ္မ၀ါဒီတို့၏ အနစ်နာခံ ပါရမီ

ကိုမော်

ကြာသပတေးနေ့၊ နိုဝင်ဘာလ 27 2008 17:59 - မြန်မာစံတော်ချိန်

သံသရာသက်တမ်းနှင့် နှိုင်းယှဉ်လိုက်လျှင် လူ့ဘ၀သက်တမ်းဟူသည် ရေပွက်ပမာ ခဏတာမျှသာဖြစ်၏။ ထိုသို့ ခဏတာ လူ့ဘ၀ကိုပင် ရဖို့ရာ မနုဿတ္တဘာဝေါ ဒုလ္လဘောဆိုသည့် ဗုဒ္ဓဒေသနာတော်အရ လွန်စွာပင် ခက်ခဲလှ၏။ ထိုမျှရခဲလှသော လူ့ဘ၀၏ တိုတောင်းလှသော ကာလအတွင်းမှာပင် လူတို့သည် သောကကို ရင်ဝယ်ပိုက်ပြီး လူ့ဘ၀ကို ဖြတ်သန်းနေကြရသည်ဆိုပါက ရခဲလှသော လူ့ဘ၀ကို ရလာရခြင်းသည် အဓိပ္ပာယ်ရှိတော့မည် မဟုတ်။ သို့သော် ယနေ့ အမိမြန်မာပြည်ရှိ လူသားများသည် လူရယ်လို့ စဖြစ်လာပြီဆိုကတည်းက လူသား၏ ရပိုင်ခွင့်၊ ရပ်တည်ရှင်သန်ပိုင်ခွင့်များကို ထိန်းချုပ်ခံနေရလေပြီ။ အာဏာမရှိသူ (၀ါ) မထိန်းချုပ်နိုင်သူသည် အာဏာရှိသူ (၀ါ) ထိန်းချုပ်နိုင်သူ၏ အလိုသို့ စေညွှန်ရာအတိုင်း လုပ်ဆောင်နေကြရ၏။ ထားရာနေ စေရာသွား ဘ၀မှာ ဒုက္ခမျိုးစုံနှင့် ရင်ဆိုင်နေကြရသည်။ ထိုသို့ လူအချင်းချင်း အနိုင်ကျင့် ဗိုလ်ကျမှုတွေကြောင့် လောကကြီး တုန်လှုပ်ချောက်ချားဖွယ်ရာများနှင့် ပြည့်နှက်နေ၏။ လောကဟုဆိုရာ၌ လောက၏ သဘောသဘာဝကို ဆရာကြီးဦးရွှေအောင်က ဘ၀ အမြင်သစ် စာအုပ်မှာ ဖွင့်ဆိုရာတွင် - - - လောကကို တည်ငြိမ်အောင်လုပ်သည့် တရားစုလည်းရှိ၏။ လောကကို မတည်ငြိမ်အောင်လုပ်သည့် တရားစုလည်းရှိ၏။ လောကကို တည်ငြိမ်အောင်လုပ်သည့် တရားစုကို ဓမ္မဟု ခေါ်သည်။ လောကကို မတည်ငြိမ်အောင်လုပ်သည့် တရားစုကို အဓမ္မဟု ခေါ်သည်။ ထိုကြောင့် ဓမ္မနှင့် အဓမ္မသည် လောက၌ ထာဝစဉ်ဆန့်ကျင်ကြ၏။ အချင်းချင်း ဆန့်ကျင်နေသောကြောင့်ပင် လောကသည် ဖြစ်ပေါ်နေခြင်းဖြစ်၏။ သို့ဖြစ်လေရာ လောကဟူသည် ဓမ္မနှင့် အဓမ္မတို့ စစ်ခင်းရာ စစ်မြေပြင်ဖြစ်၏ - - - ဟု ဖွင့်ဆိုထား၏။် လောက၌ အဓမ္မ၀ါဒီများလွှမ်းမိုးနေသည့် ကာလသည် တုန်လှုပ်ချောက်ချားဖွယ်ရာများနှင့် ပြည့်နှက်နေသည်မှာ သဘာဝပင်ဖြစ်သည်။ သို့သော်လည်း အနိစ္စသဘော (၀ါ) အပြောင်းအလဲဆိုသည့် သဘောတရားသည်လည်း အစဉ်အမြဲ ချဉ်းကပ်နီးစပ်နေလေ၏။ ယနေ့ကာလသည် အမိမြန်မာပြည်၌ ဓမ္မနှင့် အဓမ္မ၀ါဒီများ စီးချင်းထိုးရာ စစ်မြေပြင်သဖွယ် တစတစ ထင်ဟပ်ပေါ်လွင်လာခဲ့ပြီး ဖြစ်သည်။ စစ်အုပ်ချုပ်ရေး အာဏာယန္တရားဖြင့် တိုင်းသူပြည်သားများအား ထာဝစဉ် အနိုင်ကျင့်ဗိုလ်ကျနိုင်အောင် အစွမ်းကုန် ဖိနှိပ်ပြနေ၏။ ထေရ၀ါဒ ဗုဒ္ဓသာသနာကို မိခင်ဘာသာအဖြစ် ခေတ်အဆက်ဆက်က လွတ်လပ်စွာ ထွန်ကားတည်တံ့လာခဲ့ရာ အမိမြန်မာပြည်ရှိ သာသနာ့ဝန်ထမ်း ရှင်၊ ရဟန်းတို့၏ မျက်မှောက်ကာလ အခြေအနေသည် အနိုင်ကျင့် ဗိုလ်ကျခံ၊ စိုးမိုးချယ်လှယ်ခံ၊ သင်းကွဲနှိပ်ကွပ်ခံအဖြစ် ရပ်တည်နေကြရသည်။ ဒါယကာအရေး သာသနာ့ဘေးကို ကျရောက်လာနေသည့် အန္တရာယ်မှ ဗုဒ္ဓအလိုတော်ကျ မေတ္တာဝါဒဖြင့် ကာကွယ်သည့် ဗုဒ္ဓကိုယ်စား တပည့်သား သမ္မုတိသံဃာများကို သတ်ဖြတ်ညှင်းဆဲ လူဝတ်လဲကာ ထောင်သွင်းအကျဉ်းချနေ၏။ သာသနာကိုချစ်၊ သာသနာကို မြတ်နိုးကာ သာသနာအဆုံးအမတွေကို တန်ဖိုးထားပြီး သာသနာတော်ကြီး အဓွန့်ရှည် တည်တန့်ရေးအတွက် ရှုထောင့်ပေါင်းစုံမှ ကြိုးပမ်းထမ်းဆောင်နေကြသော သာသနာပြုပုဂ္ဂိုလ် ရဟန်းသာမဏေများအား သာသနာတော်ကို ဖျက်ဆီးသူ သာသနာတော်ကြီး၏ ရန်သူအဖြစ် စွပ်စွဲရှုတ်ချသည့်ပြင် စိတ်ကြိုက်ဥပဒေ၊ စိတ်ကြိုက်ပုဒ်မတွေကို အသုံးချပြီး ထောင်သွင်း အကျဉ်းချနေကြသည်။ ဗဟုဇနဟိတာယ ဗဟုဇနသုခါယ ဟူသည့် ဒေသနာတော်နှင့်အညီ တပည့် ဒါယကာ၊ ဒါယိကာမတို့ အကျိုးစီးပွားအလို့ငှာ၊ ချမ်းသာစေကြောင်းအလို့ငှာ သရဏဂုံဆောက်တည်ကာ မေတ္တာပို့သ စီတန်းလှည့်လည်ကြသော ဗုဒ္ဓကိုယ်စား သမ္မူတိ သံဃာတော်များကို ရိုက်နှက်သတ်ဖြတ်ခြင်းသည် သံဃာတည်းဟူသော ရတနာထက် အာဏာတည်းဟူသော ရတနာကို ကိုးကွယ်ဆည်းကပ်မိကြခြင်းကြောင့် ဖြစ်ဧ။်။ ထိုအာဏာ (၀ါ) လုပ်ပိုင်ခွင့်တွေကို မက်မော တွယ်တာမိသောကြောင့်ပင် အဓမ္မ၀ါဒီသမားတို့သည် လောကကြီး တခုလုံးအား ခုတုံးလုပ်ကာ အသုံးချနေကြသည်။ ၄င်းတို့သည် ဘ၀ကို ကိုးကွယ်ရာအဖြစ်ဖြင့် ရှုမြင်ကာ ဖက်တွယ်ကိုးကွယ်နေကြ၏။ ထိုသို့ ဖက်တွယ်ကိုးကွယ်၍ အဓမ္မ၀ါဒများ ကျင့်သုံးပြီး ဗိုလ်ကျနှိပ်စက်သမှု ပြုနေကြသည့်အတွက် ၄င်းတို့၏ လူ့ဘ၀ကို ရလာရခြင်း ရောက်လာရခြင်း၏ ဘ၀အဓိပ္ပာယ် (၀ါ) လူ့သားတည်းဟူသော တန်းဖိုးကိုလည်း တပြိုင်တည်းမှာပင် စိုးစဉ်းမျှ မကျန်အောင် ကာယကံမြောက် ချေဖျက်ပြီးသား ဖြစ်နေစေ၏။ အမှန်အားဖြင့် လူသားတဦး၏ ဘ၀တန်ဖိုးကို ပုံဖော်ရာတွင် မိမိ၏ တခဏာတာ ရရှိရောက်ရှိလာသော လူ့ဘ၀ကို ကိုးကွယ်အရာအဖြစ်ဖြင့် ကိုးကွယ်ရမည်မဟုတ်၊ အသုံးချစရာအဖြစ်ဖြင့် အသုံးချရမည်ဖြစ်သည်။ အသုံးချစရာအဖြစ်ဖြင့် အသုံးပြုရာတွင်လည်း ငါတည်းဟူသော အတ္တအကျိုးစီပွားအတွက် ပဓာနမဟုတ်ဘဲ လောကတည်းဟူသော ပရအကျိုးစီးပွားအတွက်သာ ပဓာနဖြစ်စေရမည်ဖြစ်သည်။ သို့မှသာ လောကကြီး တည်ငြိမ်အေးချမ်းကာ သာယာဝပြောနေပေလိမ့်မည်။ များသောအားဖြင့် လောက၌ မည်သည့်ပုဂ္ဂိုလ်၊ မည်သည့်သတ္တ၀ါပင် ဖြစ်စေကာမူ မိမိတို့၏ ဘ၀ကို တည်ငြိမ်အေးချမ်း စေချင်ကြသည်ချည်း ဖြစ်၏။ သို့မှသာ ရှင်သန်ရာ လူ့ဘ၀သည်လည်း တန်းဖိုးရှိရှိ ဖြတ်သန်းနိုင်မည်ဖြစ်သည်။ လူဖြစ်ရကျိုးလည်း နပ်ပေလိမ့်မည်။ ဗုဒ္ဓ၏ အဆုံးအမတော်အရ လူ့ဘ၀၏ အနှစ်သာရသည် ကောင်းကောင်းဝတ်၊ ကောင်းကောင်းစား၊ ကောင်းကောင်းနေရခြင်းတို့ မဟုတ်။ ငြိမ်းချမ်းစွာ နေထိုင်ရခြင်းသာ ဖြစ်၏။ ရှေးပညာရှိ သူတော်ကောင်းတို့သည်လည်း လောကီဓမ္မ၊ လောကုတ္တရာဓမ္မတို့၌ ငြိမ်းချမ်းစွာ ကျင့်ကြံနေထိုင်ခြင်းဖြင့် လူ့ဘ၀၏ အနှစ်သာရကို သက်သေပြခဲ့ကြသည်။ ငြိမ်းချမ်းသာယာမှုဖြင့် လူ့ဘ၀၏ အနှစ်သာရကို ပုံဖော်ရာ၌ လူပုဂ္ဂိုလ် သတ္တ၀ါဟူသည် ပဓာနမဟုတ်၊ ဓမ္မနှင့် အဓမ္မသည်သာ ပဓာနဖြစ်သည်။ ထိုကြောင့် မိမိနေထိုင်ရာ သက်ဆိုင်ရာ ပတ်ဝန်းကျင်လောက၌ အဓမ္မ မထွန်းကားရလေအောင် ဆောင်ရွက်ရေးမှာ လူသားတိုင်း၏ တာဝန်ဖြစ်သည်။ ထိုတာဝန်အရ အဓမ္မ မထွန်းကားအောင် ဆောင်ရွက်ရာ၌ အနစ်နာခံမှုသည် အရေးကြီး၏။ အနစ်နာခံမှုရှိမှ အောင်မြင်မည်။ ယနေ့ အမိမြန်မာပြည်၌ အကျဉ်းကျခံ ရဟန်း၊ ရှင်၊ လူ၊ ကျောင်းသားပြည်သူများသည်လည်း အနစ်နာခံခြင်းဖြင့် တိုင်းပြည်အကျိုးကို သယ်ပိုးနေကြသည်။ အဓမ္မ၀ါဒီအပေါ် ဓမ္မ၀ါဒီများ ကြီးစိုးဖို့ရန် သန္နိဌာန်ဖြင့် အနစ်နာခံနေကြသည်။ ထိုသူတို့သည် ဗုဒ္ဓအလိုတော်ကျ မေတ္တာတည်းဟူသော လက်နက်ကို စွမ်းသထက်စွမ်းအောင် တစတစ ကျင့်ယူနေကြ၍ ဓမ္မ၀ါဒီ ပီသစွာ ရပ်တည်နေကြ၏။ မြတ်စွာဘုရားရှင်၏ ကျင့်ထုံးကို ကြည့်မည်ဆိုပါလျှင်လည်း သုစရိုက်သည် အနစ်နာခံခြင်းသဘောကို ဆောင်၍ ပုညကိရိယသည် သူတပါး အကျိုးဆောင်ခြင်း သဘောကို သက်ရောက်၏။ ထို့ကြောင့် မြတ်စွာဘုရား၏ အလိုတော်ကျ လူသားတိုင်းတွင် အနစ်နာခံဖို့ တာဝန်ရှိ၏။ သူတပါးအကျိုးကို ဆောင်ရွက်ဖို့ တာဝန်လည်း ရှိသည်။ ထိုနှစ်မျိုးကို မိမိတို့ စွမ်းနိုင်သမျှ ဆောင်ရွက်မှသာလျှင် လောက၌ ဓမ္မကြီးစိုး၍ လောကကြီး ငြိမ်းချမ်းသာယာ ၀ပြောမည် ဖြစ်သည်။ အတ္တ၌ ဓမ္မကြီးစိုးခြင်း အခြေခံသည် လောက(၀ါ) ပရတွင် ဓမ္မကြီးစိုးမှုအား ကျေးဇူးပြု၏။ အတ္တ၏ ဓမ္မကြီးစိုးခြင်းဟူသည်မှာ မိမိ၏ ကိုယ်ကျင့်သိက္ခာကို စည်းစိမ် ဥစ္စာတို့နှင့်၎င်း၊ ရာထူးဌာနန္တရတို့နှင့်၎င်း၊ ဂုဏ်ပကာသနတို့နှင့်၎င်း မလဲခြင်းပင် ဖြစ်သည်။ ဗုဒ္ဓဒေသနာတော်အရ ဘုရားအလောင်းတော် ဘ၀များကိုကြည့်လျှင် အံချီးဖွယ်များနှင့် အတုယူဖွယ်ရာများစွာ တွေ့ရ၏။ လောကအပေါ် အဓမ္မ မထွန်းကားနိုင်ရေးအတွက် အနစ်နာခံပြီး ဆောင်ရွက်တော်မူသော ဘုရားအလောင်းသည် ငရဲလည်း ကျခဲ့၏၊ ဆင်လည်း ဖြစ်ခဲ့၏၊ နဂါးလည်း ဖြစ်ခဲ့၏၊ သို့ရာတွင် ထိုသို့ ကျူးလွန်ရာ၌ ဘုရားအလောင်းသည် လောက၌ ဓမ္မအပေါ် အဓမ္မက မလွှမ်းမိုးရလေအောင် မိမိကိုယ်ကို အနစ်နာခံပြီး ဆောင်ရွက်ခြင်းဖြစ်၏။ ဤသည်မှာ လောကသားတို့ တာဝန်ဖြစ်သည်။ ထိုတာဝန်ကို လောကသားတို့အနေဖြင့် မရှောင်လွဲအပ်။ မရှောင်လွဲအပ်သဖြင့် ထိုတာဝန်ကို ကျေပွန်စွာ ဆောင်ရွက်လေသောကြောင့် ဘုရားအလောင်းသည် ဖြစ်လေရာ ဘ၀တို့၌ အထက်တန်းက အဖြစ်များ၏။ ငှက်ဖြစ်လျှင်လည်း ငှက်မင်း၊ ငှက်ပရောဟိတ်။ အခြားသော ဘ၀တို့၌လည်း ထိုနည်းတူ အထက်တန်းက အဖြစ်များ၏။ ထိုသို့ဖြစ်ရခြင်းမှာ ဘုရားလောင်းသည် မိမိ၏ ဘ၀ကို စတေးပြီး ဓမ္မဘက်က ရပ်တည်ခဲ့သောကြောင့် ဖြစ်၏။ ထို့ကြောင့် ဘုရားလောင်း၏ ထုံးကို နှလုံးမူ၍ လောက၌ ဓမ္မထွန်းကားပြီး အဓမ္မ ကွယ်ပျောက်ရလေအောင် မတတ်သာလျှင် မိမိတို့၏ ဘ၀ကို စတေးပြီး ဆောင်ရွက်ဖို့လိုပါသည်။ တာဝန်ဟူသည် ရှောင်၍ မရကောင်း။ တာဝန်ကို ကျေပွန်အောင် ဆောင်ရွက်ရာ၌ အနစ်နာခံနိုင်ခြင်းသည်ပင် ပါရမီ မည်ပါ၏။ ပါရမီဟူသည်လည်း အဟောသိကံ ဖြစ်ရိုးမရှိ။ ကမ္မနိယာမ အရဆိုလျှင် နိဗ္ဗာန်တိုင်အောင် အကျိုးပေးမည်ဖြစ်၏။ (အကျဉ်းကျခံ သံဃခေါင်းဆောင်၊ လူထုခေါင်းဆောင်၊ ကျောင်းသားခေါင်းဆောင်များနှင့်တကွ ယုံကြည်ချက်ကြောင့် အကျဉ်းစံနေရသည့် ဓမ္မ၀ါဒီများအတွက် လေ့လာမိသမျှ ဓမ္မစာအုပ် စာပေတချို့မှ ကိုးကားကာ ဂုဏ်ပြုရေးဖွဲ့ပါသည်။)

ကောက်သစ်ပေါ်ဦး၊ ဆန်ပြဿနာနှင့် နေပြည်တော်ဘယ်လဲ .

ဆောင်းပါး
မင်းဆွေသစ်
ကြာသပတေးနေ့၊ ဂျူလိုင်လ 31 2008 16:45 - မြန်မာစံတော်ချိန်


(က)

၂၀၀၈ ခုနှစ် မေ ၂ ရက်နှင့် ၃ ရက်နေ့များအတွင်း နာဂစ်မုန်တိုင်း တိုက်ခတ်မှုကြောင့် ဧရာဝတီတိုင်း၊ ရန်ကုန်တိုင်းနှင့် ပဲခူးတိုင်းတို့တွင် ပျက်စီးဆုံးရှုံးမှု အများအပြားရှိခဲ့၏။ ပထ၀ီ အပိုင်းအခြားအရမူ ဧရာဝတီ မြစ်ဝကျွန်းပေါ် ဒေသနှင့် စစ်တောင်းမြစ်ဝှမ်း ဒေသတို့ ဖြစ်သည်။ မြို့နယ်ပေါင်း ၄၇ မြို့နယ်၊ ကျေးရွာပေါင်း ၃၅၀၀ ပျက်စီး ဆုံးရှုံးခဲ့၏။ စစ်အာဏာပိုင်တို့၏ ထုတ်ပြန်မှုအရပင် သေဆုံးသူနှင့် ပျောက်ဆုံးသူ အပေါင်းမှာ တသိန်း သုံးသောင်းကျော် ရှိပြီး၊ အိုးမဲ့အိမ်မဲ့ ဖြစ်ရသူပေါင်းမှာ ၂ ဒဿမ ၅ သန်း ရှိသည်ဟု ဆို၏။ ကျေးရွာသားများ ဖြစ်ကြသည်

ပျက်စီးမှု၏ ၈၀ ရာခိုင်နှုန်းသည် ကျေးလက်တွင် ဖြစ်သည်။ သူတို့၏ အသက်မွေးမှု အတတ်ပညာက လယ်ယာလုပ်ငန်း ဖြစ်သည်။ ပျိုးကြဲမည်။ ထွန်ယက်မည်။ ကောက်စိုက်မည်။ ရိတ်သိမ်းမည်။ မြန်မာ့ လယ်ယာလုပ်ငန်းက စက်မှုလယ်ယာ မဟုတ်…..။ ကြွက်သားအားနှင့် စွမ်းအင်ပြုရသည့် လက်မှုလက်ယာ …..။

နာဂစ်ကြောင့် ပျက်စီးဆုံးရှုံးမှုတွင် ဧရာဝတီတိုင်းသည် အများဆုံး ထိခိုက်ပျက်စီးခဲ့၏။ တနိုင်ငံလုံး သေဆုံးသူနှင့် ပျောက်ဆုံးသူပေါင်း၏ ၇၅ ရာခိုင်နှုန်းရှိပြီး အိုးမဲ့အိမ်မဲ့ ဖြစ်ရသူပေါင်း ၈၀ ရာခိုင်နှုန်း ရှိ၏။ ဧရာဝတီတိုင်းက မြန်မာ့မြေယာ လုပ်ငန်း၏ ၃၀ ရာခိုင်နှုန်းအား ထုတ်လုပ်မှုပေး၏။ နှစ်စဉ် စပါးတင်း သန်းပေါင်း ၄၀၀ ခန့် ထွက်ရှိသည်။ စပါးစိုက်ပျိုးမြေ ဧကပေါင်းမှာ မိုးစပါး စိုက်ဧက ၃၅ သိန်းကျော် ၃၅၀၈၂၉၁ ရှိပြီး နွေစပါး စိုက်ဧကမှာ ၁၄ သိန်းကျော် ၁၄၂၁၈၆၀ ရှိသည်။ FAO ၏ အစီရင်ခံစာအရ နာဂစ်မုန်တိုင်းကြောင့် ဧရာဝတီတိုင်းတွင် လယ်ယာစိုက်ပျိုးမြေ ဧက သိန်း ၂၀ ကျော်သည် ဆားငန်ရေများ ဖုံးလွှမ်း၍ ပျက်စီးခဲ့ပြီး ဧက-၅ သိန်းကျော်သည် လယ်ယာလုပ်ငန်း လုံးဝ လုပ်ကိုင်၍ မရအောင် ပျက်စီးခဲ့သည်ဟု ဆိုသည်။

ဆားငန်ရေ ၀င်ရောက်ခဲ့သည့် လယ်မြေဧက သိန်း ၂၀ ကျော်တွင် ပြန်လည်၍ စိုက်ပျိုးနိုင်သည် ထားဦး …… အထွက်နှုန်းကမူ ယခင်ကကဲ့သို့ ထွက်ရှိတော့မည်မဟုတ် …. လျော့မည်သာ ……။ အလျော့အနည်းနှင့် အလျော့အများသာ ကွာမည်။ ထားတော့…..။

ဧရာဝတီတိုင်းအတွင်း မိုးစပါးရာသီ၌ လယ်မြေဧက သိန်း ၃၀ ခန့် စိုက်ပျိုး၍ ရသည်ဆိုလျှင်ပင် ပထမ ပြဿနာက လယ်ယာလုပ်သား ပြဿနာ ဖြစ်၏။

လယ်မြေ ၁၀ ဧကခန့်အား လုပ်ကိုင်လျှင် လယ်ဦးစီးတယောက် လို၏။ ကိုယ်တိုင် မလုပ်ကိုင်နိုင်ပါက လယ်ဦးစီးအား `စာရင်းငှား´ ငှားရသည်။ သူက …. `ကဆုန်လ´ လဆန်းမှစ၍ လုပ်ငန်းခွင် ၀င်ရပြီ….။ ကန်သင်းတွေ ပြင်ရမည်။ လယ်တဲ ပြင်၊ ထင်းစု…..။

`တမံ´ ညက်အောင် ထွန်ရမည်။ `ကဆုန်လပြည့်´ ကျော်သည်နှင့် မိုးလေက မှန်ပြီ။ ဤတွင် ပျိုးခင်း၌ ပျိုးကြဲရမည်။ ပျိုးသက်က ရက်သတ္တ ၅ ပတ်မှ ၆ ပတ်မျှရှိပြီး၊ ဤအတွင်း စိုက်နိုင်ရမည်။ ကျော်၍မဖြစ်။ ကျော်လျှင် ပျိုးပင်များ `ခွ´ လာမည်။ ခွလာလျှင် ပျိုးနုတ်ရာ၌ အပျက်အစီး များမည်။ သို့ဖြစ်၍ ပျိုးသက်မရင့်မီ ပျိုးနုတ်ကောက်စိုက် လုပ်ရမည်။ ဤတွင် လယ်ယာလုပ်ငန်းခွင်၌ လယ်ယာလုပ်သား အများအပြား လိုအပ်လာမည် ဖြစ်သည်။ အချိန်နှင့် လုပ်ရသည့်အပိုင်း ဖြစ်သည်။ လုပ်အားများများ သုံးရမည်။ လယ် ၁၀ ဧကခန့်တွင် ပျိုးနုတ်၊ ကောက်စိုက်လုပ်သား ၁၀ ယောက်မှ ၁၅ ယောက်ခန့်လိုသည်။ ပျိုးပင်မခွမီ ပျိုးပင်များအား ပျိုးခင်းမှ လယ်ကွက်အတွင်းသို့ ပြောင်း၍ စိုက်နိုင်ရမည်။ ဤအတွက် လယ်ယာလုပ်သား လို၏။ ဤလုပ်အားအား လယ်ကွက်အတွင်းသို့ ဖြည့်တင်းနိုင်မှ နာဂစ်မုန်တိုင်း တိုက်ခတ်ခြင်း ခံခဲ့ရသည့် လယ်မြေများတွင် စပါးစိုက်နိုင်မည်။ ဤအရေးက မုန်တိုင်း တိုက်ခတ်ခံရခြင်း မရှိသည့် ပြည်နယ်၊ တိုင်းများမှ လူများအား ပေါ်တာဖမ်းပြီး လုပ်ခိုင်း၍မရ…..။

`ခရာ´တွက်၍ ပျိုးခင်းများဖြစ်မလာ။ `၀ီစီ´မှုတ်၍ ကောက်ပင်များမဖြစ်။
(ခ)


ဒုတိယ ပြဿနာက မျိုးစပါး ပြဿနာ ဖြစ်သည်။

မြန်မာပြည်၌ `မျိုးစေ့´ ထုတ်လုပ် ရောင်းချသည့် ကုမ္ပဏီကြီးများ မရှိ။ မိမိ၏ မျိုးစေ့အား မိမိဘာသာ ချန်၍ စိုက်ပျိုးကြခြင်း ဖြစ်သည်။ လယ်သမားသည် လယ်သိမ်းပြီးပါက မျိုးစပါးအား သီးသန့် သိမ်းကြရ၏။ ကျန်သည်ကိုမှ မဖြစ်မနေ ပေးရမည်တို့အား ပေး……။ ပြီးမှ ၀မ်းစာထားကြသည်။ မျိုးစပါးအား မိမိစိုက်မည့် လယ်နှင့် တွက်၍သာ ထားတတ်ကြသည်။ ပိုမထားကြ။ စပါးတဧကအတွက် မျိုးစပါး ၂ တင်း (၃၂ ပြည်) ခန့်လို၏။ နာဂစ်ကြောင့် ဧရာဝတီတိုင်းအတွင်း မျိုးစပါး ပျက်စီးမှုသည် ၉၀ ရာခိုင်နှုန်းခန့်ရှိသည်။ ဆားငန်ရေ၀င်သည့် လယ်မြေများအပါအ၀င် ပြန်လည် စိုက်ပျိုး၍ရမည့် လယ်မြေများ၌ စပါးပြန်စိုက်နိုင်ရန် မျိုးစပါးတင်းရေ ၆ သန်းခန့် လိုသည်။ မည်သို့ ဖြည့်ဆည်းမည်နည်း ……။ စစ်အုပ်စု ယခုပြုလုပ်နေသည့် နည်းနှင့်မူ မည်သို့မျှ မဖြစ်နိုင်။

စစ်အုပ်စုက ဧရာဝတီတိုင်းအတွက် လိုအပ်မည့် မျိုးစပါးများအား မုန်တိုင်းတိုက်ခတ်မှု မခံရသည့် ပြည်နယ်၊ တိုင်းများရှိ လယ်သမားများထံမှ သိမ်း၍ ဧရာဝတီတိုင်းသို့ ဖြန့်သည်။ လယ်သမားတို့၏ မျိုးစပါး ချန်ထားမှုက နောက်နှစ် မိမိစိုက်မည့် လယ်ဧကနှင့် တွက်၍သာ သိမ်းကြ၏။ ချန်ထားတတ်ကြ၏။ ပိုပိုလျှံလျှံ မထား…။ ယခုကဲ့သို့ စိုက်ပျိုးရာသီမျိုး၌မူ လယ်သမားတို့၏ စပါးကျည်အတွင်း ၀မ်းစာစပါးပင် မရှိကြတော့။ ပြီးလျှင် …. မျိုးစပါးဟူသည်က ၀မ်းစာစပါးကဲ့သို့ ထား၍မရ….. ဂရုစိုက်ရသည်။ မိုးရေအထိမခံ … . မိုးရေနည်းနည်းပါးပါး ထိသည်နှင့် အညှောက်ထွက်လာနိုင်သည်။ ဤအတွက် မုန်တိုင်းမထိသည့် ပြည်နယ်၊ တိုင်းများမှ လယ်သမားများထံတွင်လည်း မျိုးစပါးဟူသည် ပိုပိုလျှံလျှံမရှိ……။ ခွဲဝေပေးရန် မဖြစ်နိုင်။
(ဂ)


တတိယပြဿနာက လယ်ယာလုပ်ငန်းသုံး ကုန်ထုတ်ကိရိယာ ဖြစ်သည်။ နာဂစ်မတိုင်မီ ဧရာဝတီတိုင်းအတွင်း ကျွဲ၊ နွားကောင်ရေ ၁ ရာခိုင်နှုန်း ၅ သန်း ရှိသည်။ နာဂစ်ကြောင့် ဧရာဝတီတိုင်းအတွင်း၌ ကျွဲ၊ နွား ၉၀ ရာခိုင်နှုန်းကျော် သေကြေ ပျက်စီးခဲ့သည်။ မြန်မာ့ လယ်ယာကဏ္ဍက စက်မှုလယ်ယာ မဟုတ်…..။ ကျွဲ၊ နွားနှင့် ဖက်၍ ထွန်ယက် နေကြရဆဲ….။ လယ် ၁၀ ဧကအား ထွန်တတုံး၊ နွားတရှဉ်းနှင့် ထွန်လျှင် ၁၅ ရက်ခန့် ထွန်ရသည်။ အချိန်နှင့် လုပ်ရသည်။ ကဆုန်၊ နယုန် လများက ထွန်ယက်မှု ပြီးစီးရမည့် အချိန် ဖြစ်သည်။ သို့မှသာ ပျိုးသက်မရင့်မီ လယ်ကွက်အတွင်း၌ ကောက်စိုက်၍ ပြီးမည် ဖြစ်သည်။ ဤတွင် မုန်သုန်မိုးက မိုးမှန်လေမှန်ဖြစ်ပြီ…….။ ယခုမူ ဧရာဝတီတိုင်းအတွင်း လယ်ပြန်စိုက်၍ရမည့် လယ်ကွင်းများ၌ ဧက ၇၀၊ ၈၀ ခန့်တွင် ထွန်တတုံး၊ နွားတရှဉ်းနှင့် ထွန်ယက်နေကြရသည်။ ဧရာဝတီတိုင်းအတွင်း လယ်မြေများ ထွန်ယက်ပြီးစီးရန် မည်မျှကြာမည်နည်း……။ မုန်သုန်မိုးက စောင့်မည်မဟုတ်……။
(ဃ)


ဧရာဝတီ မြစ်ဝကျွှန်းပေါ် ဒေသနှင့် စစ်တောင်းမြစ်ဝှမ်းတို့က မြန်မာ့လယ်ယာ စိုက်ပျိုးရေး၏ အဓိက အသက်သွေးကြော နေရာများဖြစ်သည်။ နာဂစ်ကြောင့် ဤသွေးကြောမကြီးများ ပေါက်ပြဲခဲ့ရပြီ…..။ မြန်မာ့လယ်ယာ စိုက်ပျိုးရေး၏ ၃၅ ရာခိုင်နှုန်းခန့် ပျက်စီးသွားခြင်း ဖြစ်သည်။ ဤအတွက် ၂၀၀၈ ခုနှစ် မိုးစပါးထွက်ရှိမှုတွင် ၄၀ ရာခိုင်နှုန်းခန့် လျော့ကျ၍သွားနိုင်သည်။ စစ်အုပ်စု၏ ကိန်းဂဏန်းအရ …. ၂၀၀၇ ခုနှစ် ဆန်စပါး ထွက်ရှိမှုသည် မက်ထရစ်တန်ချိန် ၁၉ သန်းခန့် ရှိသည်ဟု ဆို၏။ ပြည်တွင်းစားသုံးမှုမှာ ၁၈ ဒဿမ ၉၅ သန်းခန့်ရှိရာ မြန်မာ့ဆန်စပါး ထုတ်လုပ်မှုသည် ပြည်တွင်း ဖူလုံရုံမျှသာ ရှိသည်။ ထွက်ရှိမှုနှင့် စားသုံးမှုသည် ညီမျှ၍နေပြီး အရံဆန်စပါးဟူ၍မရှိ…..။

မြန်မာ့လယ်ယာ လုပ်ငန်းသည် မြန်မာနိုင်ငံရှိ အလုပ်လုပ်နိုင်သူ ဦးရေ၏ ၆၆ ရာခိုင်နှုန်းအား အလုပ်အကိုင် ပေးထားသည်။ ဆန်စပါးက မြန်မာတို့၏ အဓိက စားသောက်ကုန်ဖြစ်၍ အသက်သွေးကြော သီးနှံဟု ဆိုရမည်။ မြန်မာ့လယ်ယာ လုပ်ငန်းနှင့် ဆန်စပါး စိုက်ပျိုး ထုတ်လုပ်မှုသည် မြန်မာ့နိုင်ငံရေးတွင် အရေးပါသော အခန်းကဏ္ဍ၌ ရှိခဲ့၏။ ဤအတွက်ပင် စပါးအား နိုင်ငံရေး သီးနှံဟုပင် ၀ိဂြိုဟ်ပြုကြ၏။ သမိုင်းစဉ်၌ မြေယာ အကျပ်အတည်းကြောင့် တော်လှန်ရေးကြီးများ ပေါ်ပေါက်ခဲ့ကြ၏။ ဆန်ပြဿနာကြောင့် အရေးတော်ပုံကြီးများ ဖြစ်ပေါ်ခဲ့ကြ၏။

လာမည့်နှစ် ကောက်သစ်ပေါ်ဦးက ….. နေပြည်တော်အဖို့ ကြီးမားသည့် စိန်ခေါ်မှုများနှင့် ရင်ဆိုင်ရမည်မှာ မလွဲ …..။
မင်းဆွေသစ်