စက်တင်ဘာလ ၂၅ ရက် ၂၀၀၇ ခုနှစ်
တက္ကသိုလ် ရိပ်သာလမ်းဆီသို့ တောင်ပေါ် ချင်းတိုင်းရင်းသူကြီး ၈ ယောက် ခြေလှမ်း သွက်သွက်ဖြင့် သွားနေသည်။ အသက်အရွယ်များမှာ ၅ဝ၊ ၆ဝ အရွယ်ရှိပြီး လွယ်အိတ် ကိုယ်စီနှင့် ဖြစ်သည်။ သူတို့ မျက်နှာများမှာ ဒုက္ခ ရောက်နေသူကို သွားရောက် ကယ်တင်မည့် အသွင် ဆောင်နေသည်။
“ငါတို့ချင်းတောင်ကို လာလည်ဖူးတဲ့ ဗိုလ်ချုပ် အောင်ဆန်းရဲ့ သမီးအိမ်ကို သွားမလို့။ လွယ်အိတ်ထဲမှာ ဧဝံဂေလိစာပဲ ပါတယ်။ နင်တို့ကိုလည်း ဝေငှပေးမှာပါ”
“ဘယ်သူ့ အမိန့်နဲ့ လာတာလဲ။ ဒီအိမ်ကို ဘယ်သူမှ လာလို့မရဘူး”
“ဒီကိုလာတာ အထက်အမိန့်နဲ့ လာတာ။ ဆုတောင်းပေးဖို့လည်း အထက်က အမိန့်ပေးလိုက်တယ်”
အချိန်ကား စက်တင်ဘာလဆန်း တနင်္ဂနွေနေ့ ဖြစ်သည်။ အင်းစိန် ခရစ်ယာန်ကျောင်းမှ ဆုတောင်းပြီး ပြန်လာသော အဆိုပါ ချင်းအမျိုးသမီး ၈ ဦးမှာ ချင်းတောင်ဒေသ ဖလမ်း၊ တီးတိန်ဘက်မှ ဖြစ်သည်။ ရန်ကုန်ရောက်ခိုက် သူတို့ အလွန် လေးစားရသောသူကို နေအိမ် အကျယ်ချုပ်ဖြင့် ချုပ်နှောင်ထားသည်ကို သွားရောက်ပြီး ဆုတောင်းပေးချင်သော ဆန္ဒကြောင့် ကမာရွတ်ရှိ လှည်းတန်း မှတ်တိုင်တွင် ဆင်းပြီး အရှေ့ဘက် တက္ကသိုလ် ရိပ်သာလမ်းဆီသို့ ဆက်လက် ထွက်ခွာသွားသည်။
ယခုတလော လုံခြုံရေးများ ထူထပ်စွာ အစောင့်ချထားသော တက္ကသိုလ် ရိပ်သာလမ်းသည် လူသွားလူလာ ရှင်းနေပြီး တော်ရုံ ကားများပင်လျှင် ဖြတ်မသွားရဲလောက်အောင် ဖြစ်နေသည်။ ဤသို့သော အခြေအနေတွင် အဆိုပါ ချင်းတိုင်းရင်းသူကြီး ၈ ဦးမှာ ရဲရင့် တည်ကြည်သော မျက်နှာဖြင့် မိမိသွားလိုသော နေရာဆီသို့ ဆက်လက် သွားနေဆဲ ဖြစ်သည်။ အိမ်အမှတ် ၅၄ အနီး ရောက်သောအခါ လုံခြုံရေးများက သတိကြီးစွာဖြင့် စစ်ဆေးတော့သည်။ တောင်ပေါ် တိုင်းရင်းသူ အဖွားကြီးများ ဖြစ်သောကြောင့် လုံခြုံရေး အစောင့်များမှာ အနည်းငယ် စိတ်သက်သာရာ ရသွားသည်။ သို့ပေမယ့် ဝတ္တရားအရ မေးမြန်းမှုကို စတင်လိုက်သည်။
“ဘယ်သွားမလို့လဲ။ လွယ်အိတ်ထဲမှာ ဘာတွေပါလဲ”
မဆိုင်းမတွပင် ချင်းအမျိုးသမီး ဖြေဆိုလိုက်ပုံက … “ငါတို့ချင်းတောင်ကို လာလည်ဖူးတဲ့ ဗိုလ်ချုပ် အောင်ဆန်းရဲ့ သမီးအိမ်ကို သွားမလို့။ လွယ်အိတ်ထဲမှာ ဧဝံဂေလိစာပဲ ပါတယ်။ နင်တို့ကိုလည်း ဝေငှပေးမှာပါ” ဟူ၍ ပါးစပ်ကလည်း ပြော၊ လက်မှလည်း လွယ်အိတ်ထဲမှ ခရစ်ယာန် ဓမ္မစာများကို အစောင့်များထံ ဝေငှလိုက်သည်။ လုံခြုံရေး အစောင့်ထဲမှ ဗိုလ်ကြီးဆိုသူ ရောက်လာပြီး ဆက်လက် မေးမြန်းပြန်သည်။
“ဘယ်သူ့ အမိန့်နဲ့ လာတာလဲ။ ဒီအိမ်ကို ဘယ်သူမှ လာလို့မရဘူး”
အသက်အကြီးဆုံး ချင်းတိုင်းရင်းသူကြီးက မိုးကောင်းကင်ဆီသို့ လက်ညှိုးထိုးရင်း “ဒီကိုလာတာ အထက်အမိန့်နဲ့ လာတာ။ ဆုတောင်းပေးဖို့လည်း အထက်က အမိန့်ပေးလိုက်တယ်” ဟု ကြည်လင် ပြတ်သားသော အဖြေစကားကြောင့် ဗိုလ်ကြီးဆိုသူ ဘာမှ ဆက်မမေးရဲတော့ဘဲ ဆုတောင်းခြင်းကို ခွင့်ပြု လိုက်ရတော့သည်။
ဆုတောင်းသံများသည် တက္ကသိုလ် ရိပ်သာလမ်းထဲ ပျံ့လွင့်သွားသည်။ တောင်ပေါ်ချင်းတို့၏ ခရစ်ယာန်လို ဆုတောင်းခြင်းသည် တိုးတိုးတိတ်တိတ် ဆုတောင်းခြင်းမျိုး မဟုတ်ပါ။ ကြေကွဲသော စိတ်နှလုံးသားဖြင့် အထက် ကောင်းကင်ဘုံထိ ကြားအောင် အော်ဟစ် ဆုတောင်းခြင်းမျိုး ဖြစ်သည်။ ရန်ကုန်မိုးက မခြိမ်းဘဲ ရွာချလိုက်သောကြောင့် ရွှဲရွှဲ စိုနေသည့်တိုင် ထီးမဆောင်းဘဲ ဆက်လက် ဆုတောင်းရာ မိနစ် ၂ဝ ခန့် ကြာသွားသည်။ နေအိမ်ခြံထဲသို့ ဝင်ခွင့်မရသော်လည်း ခြံအပြင်မှ ဆုတောင်းသံကို သူတို့ ယုံကြည် လေးစားသော ဗိုလ်ချုပ်အောင်ဆန်း သမီးသည် ကြားသိလောက်ပေသည်။ စိတ်ကျေနပ်သွားလောက်အောင် ဆုတောင်း ပေးပြီးနောက် ခရစ်ယာန် ထုံးစံအရ အချင်းချင်း လက်ဆွဲ နှုတ်ဆက်သည့်အပြင် အစောင့်များထံလည်း သွားရောက်ကာ လက်ဆွဲ နှုတ်ဆက်ကြသည်။
ထိုထဲမှ ဗိုလ်ကြီးဆိုသူသည် “ခုနက အထက်အမိန့်နဲ့ လာတာလို့ ပြောတယ်။ သူ့ရဲ့ အမိန့်စာပါရင် ပေးခဲ့ပါ” ဟူ၍ မဝံ့မရဲဖြင့် အဖွားကြီးကို ဆက်လက် မေးမြန်း လိုက်သေးသည်။ ချင်းအမျိုးသမီးကြီး အားလုံး အထင်သေး မျက်နှာဖြင့် ဗိုလ်ကြီးဆိုသူ၏ မျက်နှာဆီသို့ စုပြုံရောက်ရှိသွားသည်။ အဖွားကြီးက ဆက်လက် ပြောလိုက်သည်မှာ “အထက်အမိန့်စာ ဆိုတာ ပြဖို့ မလိုဘူး။ အထက် ကောင်းကင်တမန်တွေဟာ ငါတို့ကို အမြဲ စောင့်ရှောက်နေတယ်။ ငါတို့ လာရောက် ဆုတောင်းတာဟာ အထက် ကောင်းကင်တမန်က လွှတ်လိုက်လို့ပဲ။ ခုလည်း ဆုတောင်းခြင်း အမှုကိစ္စ ပြီးမြောက်တာဟာ ကောင်းကင်တမန်တွေ တပ်ချ ကာကွယ်ထားလို့ပဲ။ ဒီညမှာလည်း ငါတို့ ချင်းတောင်ပြန်ဖို့ အထက် ကောင်းကင်တမန်တွေက ပို့ဆောင်ပေးအုံးမှာ။ နင်တို့လည်း ဘုရားသခင်ကို မမေ့နဲ့နော်။ ဘုရားသခင် ကောင်းချီးပေးပါစေ” ဟူ၍ ပြောဆိုပြီး အရှေ့ဘက် ကမ္ဘာအေး ဘုရားလမ်းဆီသို့ ထွက်ခွာ သွားကြလေသည်။
အစောပိုင်းက အထက်အမိန့်ကြောင့်ဟုသာ ခွင့်ပြုလိုက်ရသော ဗိုလ်ကြီးဆိုသူသည် အထက် ကောင်းကင်တမန် အမိန့်အကြောင်းကို ကောင်းကောင်းကြီး သိရှိသွားသည့် အပြင် နောက်ဆက်တွဲ ဖြစ်ပေါ်လာမည့် အထက်ဗိုလ်ချုပ်တို့၏ အရေးယူမှုတို့ကို တွေးမိရင်း မှင်သက် ကျန်ရစ် ခဲ့လေတော့သည်။
စက်တင်ဘာ ၂၂ ရက်နေ့
ရန်ကုန်မိုးသည် စံချိန်တင်အောင် ရွာသွန်းနေသည်။ လှည်းတန်း လမ်းဆုံမှ သံဃာထုကြီးသည် စနစ်တကျဖြင့် တက္ကသိုလ်ရိပ်သာ လမ်းထဲသို့ ဝင်သွားလေသည်။ သံဃာတော်ချည်း သက်သက် မဟုတ်ပါ။ အင်္ကျီအဖြူ၊ ပုဆိုးအပြာများ ဝတ်ဆင်ထားသော ကျောင်းသားများ အပါအဝင် ပြည်သူလူထု အင်အားကလည်း နောက်မှ ခြံရံ၍ လိုက်ပါနေသည်။ ဘတ်စ်ကား မှတ်တိုင်မှ ခရီးသည် အချို့လည်း လိုက်ပါသွားရာ လူထုအင်အားမှ အံ့မခန်း များပြားသွားလေသည်။
အဓမ္မဘက်တော်သား အရေးနိမ့်သွားလေပြီ။ မေတ္တာ တန်ခိုးကြောင့် နောက်ဆုတ်သွားသောအခါ သံဃာတော်များ တန်းစီ နေရာယူပြီး မေတ္တာသုတ် ပရိတ်တော်ကို စတင် ရွတ်ဖတ်လေသည်။
အိမ်ရှေ့ဂိတ်မှ အစောင့် စစ်သားအချို့၏ မျက်နှာမှာ မကောင်းလှပေ။ ကျလုလု မျက်ရည်ကို မနည်း ထိန်းထားပုံရသည်။
ယနေ့ မြင်ကွင်းတွင် ထူးဆန်းစွာ တွေ့ခဲ့ရသည့် အိမ်အမှတ် ၅၄ မှ ဒေါင်းအလံများနှင့် ဗိုလ်ချုပ်အောင်ဆန်း မိန့်ခွန်း စာတမ်းများကို မျက်စိမှ မထွက်နိုင်ဘဲ မြင်ယောင်မိနေသည်။
တက္ကသိုလ် ရိပ်သာလမ်း၊ အိမ်အမှတ် ၅၄ အနီးသို့ ရောက်သောအခါ လည်စီး အနီရောင် ပတ်ထားသော လုံထိန်း အပါအဝင် လုံခြုံရေး တပ်ဖွဲ့ဝင်များက ဟန့်တားလိုက်သည်။ လက်ထဲတွင် စကားပြောစက်၊ ခါးတွင် နံပါတ်တုတ်အနက်နှင့် လေးခွက အသင့် ချိတ်ဆွဲထားသည်။ နေအိမ် ရှေ့ဂိတ် တံခါးကိုလည်း ပိတ်ဆို့ထားသည်။ သံဆူးခွေများကိုလည်း တပ်ဖွဲ့ဝင်များက ပိတ်ဆို့နေဆဲ ဖြစ်သည်။ ဤသည်မှာ ဓမ္မသမားများကို ဟန့်တား ပိတ်ဆို့နေသည့် အဓမ္မ သမားများ၏ ပြင်ဆင်မှု ဖြစ်သည်။
တဖက်တွင် မေတ္တာလက်နက် ကိုင်ဆောင်ထားသည့် သံဃာတော်များတွင် သာသနာ့ အလံ၊ ဓမ္မတေးသံသာ ပိုင်ဆိုင်လေသည်။ ခုတော့ အိမ်အမှတ် ၅၄ ရှေ့တွင် အာဏာရှင်သား အဓမ္မ ဘက်တော်သားနှင့် ဗုဒ္ဓ၏သား ဓမ္မ ဘက်တော်သားတို့ ဆုံလေပြီ။ ခါးတွင် လူသတ် လက်နက်အပြင် အကြမ်းဖက် နှိပ်ကွပ်မည့် ကိရိယာများ တပ်ဆင်ထားသော လုံခြုံရေး အရာရှိနှင့် သံဃာတော်ထဲမှာ ဝါတော်ကြီးသော ရဟန်းတော်တို့ စတင် စကားပြောကြရာ အဓမ္မ ဘက်တော်သားက စတင်၍ “ဒီနေရာဟာ လူစုလူဝေးနဲ့ လာလို့ ရတဲ့နေရာ မဟုတ်ဘူး။ တားမြစ်ဖို့ တာဝန်ရှိပါတယ်” နှုတ်က ပြောသာနေပေမယ့် မျက်နှာမှာ စိုးထိတ် ကြောက်လန့်နေသည်ကို အထင်းသား ပြသနေသည်။
မျက်နှာတော် တည်ငြိမ်ပြီး မေတ္တာဓာတ် လွှမ်းခြုံထားသည့် ဓမ္မသားတော်က “ဒီလူစုလူဝေးဟာ ဒကာတို့ကို ရန်မမူပါဘူးဆိုတာ ဘုန်းကြီး အာမခံပါတယ်။ ဒကာ ဗုဒ္ဓဘာသာ မဟုတ်လား … ဆုတောင်းမေတ္တာ ပို့သတာကို ခံယူမလား။ မခံယူဘဲ အကြမ်းဖက်မလား။ ဘုန်းကြီးတို့ကတော့ မေတ္တာ ပရိတ်တော် ရွတ်မယ်။ ဒကာတို့ တားမြစ်လည်း ရွတ်ဖတ်မှာပဲ”
အဓမ္မဘက်တော်သား အရေးနိမ့်သွားလေပြီ။ မေတ္တာ တန်ခိုးကြောင့် နောက်ဆုတ်သွားသောအခါ သံဃာတော်များ တန်းစီ နေရာယူပြီး မေတ္တာသုတ် ပရိတ်တော်ကို စတင် ရွတ်ဖတ်လေသည်။ လူထု ပရိတ်သတ်ကြီးလည်း ယဉ်ကျေးစွာ ငြိမ်သက်ပြီး လက်ခုပ်များ ချီကာ ပရိတ်တော် ရွတ်ဖတ်ခြင်းကို နာကြားနေသည်။ နေအိမ်အမှတ် ၅၄ သည် ဝန်းထရံများ နှစ်ထပ် ကာရံထားခြင်းကြောင့် အိမ်ကို ကောင်းစွာ မမြင်ရသော်လည်း ပရိတ် ရွတ်ဖတ်သံကို ကောင်းစွာ ကြားနိုင်လောက်သည်။ မိုးရေ ထိထားသော နေအိမ် ခြံစည်းရိုးမှ ဒေါင်းအလံများသည် တလူထူ လွင့်နေသည်။ ဗိုလ်ချုပ် အောင်ဆန်း၏ မိန့်ခွန်းများကို ရေးသားထားသော စာတမ်း ပိုစတာကြီးသည် ချီးမွမ်း ဂုဏ်ပြုသည့်အလား တဖတ်ဖတ် အသံပြုနေသည်။
ခဏအကြာမှာပင် နေအိမ် ခြံဝင်းတံခါးသည် ပွင့်လာသည်။ ရှေးဦးစွာ ထွက်လာသူက အရပ်မြင့်မြင့် လုံထိန်း ၃ ယောက် ဖြစ်သည်။ အဲ့ဒီနောက် ထွက်လာသူက ပင်နီအင်္ကျီ ဝတ်ဆင်ထားသော ဒေါ်အောင်ဆန်း စုကြည်ပင် ဖြစ်သည်။ ကပ်လျက် အမျိုးသမီး ၂ ဦးကလည်း ဘေးတဖက်စီ ခြံရံပေးထားသည်။ အားလုံးလိုလို သံဃာတော်များကို လက်အုပ်ချီ ဖူးမျှော်နေကြသည်။ ဒုတိယအကြိမ် ကန်တော့သောအခါ မျက်ရည်များ ယိုစီးကျလာသည်ကို အထင်းသား တွေ့လိုက်ရသည်။ တတိယမြောက် ကန်တော့ပြီးသောအခါ မေတ္တာပရိတ် ရွတ်ဖတ်နေကြသော သံဃာတော် အချို့ မိုးရေကြောင့်လား၊ မျက်ရည်ကြောင့်လားမသိ ခွဲခြားရခက်သော မိုးရေ (ဝါ) မျက်ရည်တို့သည် ပါးပြင်ထပ်၌ ခိုနေသည်။ အိမ်ရှေ့ဂိတ်မှ အစောင့် စစ်သားအချို့၏ မျက်နှာမှာ မကောင်းလှပေ။ ကျလုလု မျက်ရည်ကို မနည်း ထိန်းထားပုံရသည်။ လူပရိတ်သတ်ထဲမှ ရှိုက်သံများ ထွက်ပေါ်လာတာကြောင့် ကျနော်လည်း ကျလုလု မျက်ရည်ကို ထိန်းထားနေရသည်။ ဒီနောက်မှာတော့ ဝမ်းမြောက်စွာ နှုတ်ဆက်နေကြသော အသံများ ထွက်ပေါ်လာသည်။ မေတ္တာသုတ် ဖတ်ကြားမှုလည်း အောင်မြင်စွာ ပြီးဆုံးသွားခဲ့လေသည်။
အဓမ္မ ဘက်တော်သားများ ပုံစံက အစွယ်ကျိုးသည့် မြွေပွေးလို ပျော့ခွေ သွားလေတော့သည်။ (ကျနော့်အထင် ကိုင်ထားသော သေနတ်များကို လွှင့်ပစ်ပြီး မျက်နှာကို ကားလမ်းနှင့် ပွတ်တိုက်ချင်နေပုံရသည်)
စီးနေကျ အမှတ် ၅၁ ဘတ်စ်ကားသည် လူအပေါင်း ကြပ်သိပ်နေသည့် အတွက် ညမိုးချုပ်မှ ကျနော် အိမ်ပြန်ရောက်သည်။ မိုးမိထားသော အရှိန်ကြောင့် စောစော အိပ်ယာဝင်ခဲ့ပေမယ့် အိပ်မပျော်နိုင်ဘဲ ယနေ့ မြင်ကွင်းတွင် ထူးဆန်းစွာ တွေ့ခဲ့ရသည့် အိမ်အမှတ် ၅၄ မှ ဒေါင်းအလံများနှင့် ဗိုလ်ချုပ်အောင်ဆန်း မိန့်ခွန်း စာတမ်းများကို မျက်စိမှ မထွက်နိုင်ဘဲ မြင်ယောင်မိနေသည်။ လေမတိုက်ဘဲ ဘာကြောင့် အလံနှင့် စာတမ်းများ လွင့်နေရသနည်း …။
တိုက်ဆိုင်မှုတခု ဖြစ်ပါသည်။ ဂျပန်ခေတ်ကာလ ဖက်ဆစ် ဂျပန်တော်လှန်ရေး စတင်သောနေ့ (အောင်မြေနင်းပွဲနေ့) တွင် တော်လှန်ရေး ပန်းခြံတွင် လွှင့်ထူထားသော ဂျပန် အလံတော်နှင့် ဗမာ့ တပ်မတော် ဒေါင်းအလံတော် နှစ်ခုတွင် ဂျပန် အလံတော်သည် ငြိမ်သက်နေပြီး ဒေါင်းအလံတော်သည် တလူလူ လွင့်နေခဲ့ပါသည်။ မကြာလှပါ ဖက်ဆစ် ဂျပန်များ အရှုံးကြီး ရှုံးကာ တော်တော်လေး ပေးဆပ်လိုက်ရသည်။ ဗမာ့ တပ်မတော်သည် တပ်ပေါင်းစုကြီး အသွင်ဖြင့် အောင်မြင်မှု သရဖူ ဆောင်းနိုင်ခဲ့ပါသည်။
ယခုလည်း နိမိတ် ကောက်ရသော် သမိုင်းဝင် ဒေါင်းအလံတော်သည် မကြာမီ အောင်မြင်မှု သရဖူ ဆောင်းနိုင်ပြီး၊ အဓမ္မ ဘက်တော်သားတို့၏ ဘဝမှာ ဘယ်သို့ … ဘယ်ကို … ဘယ်လို … ဘယ်စခန်း သွားမည်နည်းကို တွေးမိရင်း များစွာ စိတ်မကောင်း ဖြစ်မိပါတော့သတည်း။
(စာရေးသူကို ဆက်သွယ်လိုပါလျှင် shanarmy@gmail.com သို့ ဆက်သွယ်နိုင်ပါသည်။)
No comments:
Post a Comment